Intembauzyo 37:1-40
Intembauzyo ya Davida.
א [Aleph]
37 Utacimwi* akaambo kabantu babiNaa kunyonokela basimucita zibi.+
2 Bayoonyana mukaindi kaniini buyo mbubonya mbobuneta bwizu+Akuyuma mbubonya mbuli mweemvwe uufwefwema.
ב [Beth]
3 Kosyoma Jehova akucita zintu zibotu;+Kokkala munyika alimwi kosyomeka mumilimo yako.+
4 Kobotelwa kapati* muli Jehova,Eelyo walo uyookupa nzyouyanda moyo wako.
ג [Gimel]
5 Bikka nzila yako mumaanza aa Jehova;*+Komusyoma, eelyo walo ulakugwasya.+
6 Uyoopa kuti kuloma kwako kumweke mbuli mumuni wakubucedo,Abululami bwako mbuli zuba mbolimweka isyikati.
ד [Daleth]
7 Koumuna kumbele lya Jehova+Akumulindila cakuyandisisya.*
Utacimwi akaambo kamuntuUuzwidilila kuzuzikizya makanze aakwe mabi.+
ה [He]
8 Koleka kunyema abukali;+Utacimwi akutalika kucita cibi.*
9 Nkaambo bantu babi bayoonyonyoonwa,+Pele aabo balangila Jehova bayookona nyika.+
ו [Waw]
10 Kusyeede kaindi kaniini buyo, ibantu babi tabakabi limbi pe;+Uyoolanga nkobakabede,Pele tabakabiko pe.+
11 Pele babombe myoyo bayookona nyika,+Eelyo bayoobotelwa kapati muluumuno lunji.+
ז [Zayin]
12 Muntu mubi ulakanza kucita cibi kumululami;+Ulamulumina ntwino.
13 Pele Jehova ulamuseka,Nkaambo ulizyi kuti buzuba bwakwe buyoosika.+
ח [Heth]
14 Ibabi basomona mapanga akoongomeka mata aaboKuti bawisye bantu bapengede alimwi abacete,Kuti bajaye baabo beenda munzila iiluleme.
15 Pele mapanga aabo ayooyasa myoyo yabo beni;+Mata aabo ayootyolaulwa.
ט [Teth]
16 Zintu zisyoonto nzyajisi mululami nzibotuIkwiinda zintu zinji nzyobajisi ibabi banji.+
17 Nkaambo maanza aababi ayootyolaulwa,Pele Jehova unoobagwasya balulami.
י [Yod]
18 Jehova ulizizyi zintu zibacitikila bantu batakwe kampenda,*Aboobo lukono lwabo lunooliko lyoonse mane kukabe kutamani.+
19 Tabakausyigwi nsoni ciindi camapenzi;Ciindi canzala banoojisi zyakulya zinji kapati.
כ [Kaph]
20 Pele bantu babi bayooloba;+Basinkondonyina Jehova bayoomana mbuli macelelo mabotu kapati;Bayoozimaana mbuli busi.
ל [Lamed]
21 Imubi ulakweleta pesi tajoli pe,Pele mululami mwaabi,* ulapa.+
22 Aabo mbaleleka Leza bayookona nyika,Pele aabo mbasinganya bayoonyonyoonwa.+
מ [Mem]
23 Jehova ulasololela* ntaamu zyamuntu+Ikuti naa nzila yamuntu ooyo yamukonda.+
24 Nokuba kuti wawa, takonzyi kulipwaila ansi,+Nkaambo Jehova ulimujatilide kujanza.*+
נ [Nun]
25 Ndakali mwana lino ndacembaala,Nokuba boobo tandinabwene mululami wakalekelezyegwa,+Nobaba bana bakwe kabalombelela cakulya.+
26 Lyoonse ulakweletesya camoyo woonse,+Aboobo bana bakwe bayoolelekwa.
ס [Samekh]
27 Kozitantamuka zibi akucita zintu zibotu,+Eelyo unoopona lyoonse mane kukabe kutamani.
28 Nkaambo Jehova uyandisya bululami,Aboobo takabalekelezyi pe bantu bakwe basyomeka.+
ע [Ayin]Banoolindwa lyoonse;+Pele bana bababi bayoonyonyoonwa.+
29 Balulami bayookona nyika,+Alimwi bayookkala alinjiyo lyoonse mane kukabe kutamani.+
פ [Pe]
30 Mulomo wamululami waamba zintu zipa busongo,*Alimwi mulaka wakwe waamba makani aabululami.+
31 Mulawo wa Leza wakwe uli mumoyo wakwe;+Anakweenda maulu aakwe taakazuzumi pe.+
צ [Tsade]
32 Imubi ulamulangilila mululami,Kuyanda kuti amujaye.
33 Pele Jehova takamulekelezyi mumaanza aamubi ooyo+Naa kumupa mulandu aakubetekwa.+
ק [Qoph]
34 Kolangila Jehova akutobela nzila yakwe,Eelyo uyookusumpula kuti ukone nyika.
Ibabi baakunyonyoonwa,+ yebo uyoolibonena ameso aako.+
ר [Resh]
35 Ndakabona muntu mubi, silunyaKasumpuka mbuli cisamu cipati cili mubulongo mocakamenena.+
36 Nokuba boobo wakafwa cakutayeeyelwa, alimwi tanaakaciliko pe;+Ndakali kumuyandaula, pele tanaakajanika pe.+
ש [Sin]
37 Amubikkile maano kumuntu uunyina kampenda,*Akulanga muntu uululeme,+Nkaambo kumbele muntu ooyo uyooba muluumuno.+
38 Pele basizibi boonse bayoonyonyoonwa;Kumbele bantu babi bayooloba.+
ת [Taw]
39 Lufwutuko lwabaluleme luzwa kuli Jehova;+Ngonguwe mampangala aabo ciindi camapenzi.+
40 Jehova uyoobagwasya akubavwuna.+
Uyoobavwuna kubantu babi akubafwutula,Nkaambo bayuba mulinguwe.+
Bupanduluzi buyungizyidwe
^ Naa “Utanyemi.”
^ Naa “Kokkomana kapati.”
^ Mu Chihebrayo, “Tola nzila yako kuli Jehova.”
^ Naa “cakukkazika moyo.”
^ Naa ambweni, “Utacimwi, nkaambo eeco inga cakusololela buyo kucibi.”
^ Mu Chihebrayo, “ulaazyi mazuba aabantu batakwe kampenda.”
^ Naa “ulafwida luzyalo.”
^ Naa “ulasitikizya.”
^ Naa “ajanza lyakwe.”
^ Naa “waamba busongo caansaansi.”
^ Naa “kumuntu uuzumanana kusyomeka.”
