Куд фӕууидтай, уотемӕй аци брошюри ес, дӕуӕн дӕр ӕма дӕ бийнонтӕн дӕр устур ӕнхус ка уодзӕй, берӕ уӕхӕн унаффитӕ Библийӕй. Йегови фӕндуй, цӕмӕй амондгун уай. Уомӕ гӕсгӕ Библи зӕрдӕ ӕвӕруй, царди дин фиццаг бунати Йеговӕн лӕггадӕ кӕнун ку уа, уӕд дӕ ци гъӕуй, етӕ дин «еугурӕйдӕр уодзӕнцӕ» (Матфейи 6:33). Йегови хъӕбӕр фӕндуй, цӕмӕй е ’мбал уай. Мадта алли фадуатӕй дӕр пайда кӕнӕ, цӕмӕй имӕ бахӕстӕг уай. Уомӕй устурдӕр кадӕ ма ци гъӕуама уа! (Матфейи 22:37, 38).

БИБЛИЙ ЦИ ФИНСТ ЕС? «„Ӕма ӕз уодзӕн уӕ фидӕ, сумах ба уодзинайтӕ мӕ фурттӕ ӕма мӕ кизгуттӕ“,– зӕгъуй Алцигъон Хуцау Йеговӕ» (2 Коринфӕгтӕмӕ 6:18). Хуцауи фӕндуй, цӕмӕй ӕ хӕстӕг ӕмбал исуай. Разӕнгард нӕ кӕнуй, цӕмӕй имӕ алкӕддӕр ковӕн (1 Фессалоникӕгтӕмӕ 5:17). Йеговӕ алкӕддӕр цӕттӕ ’й дӕ гъудитӕмӕ ӕма, цӕбӕл тухсис, уомӕ байгъосунмӕ (Филиппӕгтӕмӕ 4:6). Дӕ бийнонти хӕццӕ еумӕ Хуцаумӕ ку ковай, уӕд ӕй уиндзӕнцӕ, куд хъӕбӕр ибӕл ӕууӕндис, уой.

Фал Хуцауи хӕццӕ айдагъ дзорун фагӕ нӕй, гъӕуама имӕ игъосгӕ дӕр кӕнай. Уой туххӕй ин гъӕуй ӕ Дзурд ахур кӕнун ӕма, Библи ка лӕдӕрун кӕнуй, еци литературӕ кӕсун (Псалом 1:1, 2). Ци базонис, уобӕл расагъӕс кӕнисӕ (Псалом 77:11, 12). Хуцаумӕ ке игъосис, е ма бӕрӕг уодзӕй, киристон ӕмбурдтӕ ку нӕ цох кӕнай, уӕд (Псалом 122:1–4).

Йеговӕмӕ ма бахӕстӕг уодзӕнӕ, иннетӕн дӕр ӕ дессаги менеугути ӕма ӕ фӕндти туххӕй ку дзорай, уӕд. Йегови туххӕй куд арӕхдӕр дзорай, уотӕ имӕ хӕстӕгдӕр кӕндзӕнӕ (Матфейи 28:19, 20).

ЦИ ЕС БАКӔНӔН?

• Алли бон дӕр Библи кӕсунмӕ ӕма ковунмӕ рӕстӕг рахецӕн кӕнӕ.

• Уӕ бийнонтӕн фиццаг бунати гъӕуама уонцӕ ӕууӕндундзийнади хӕццӕ баст гъуддӕгтӕ, удта ерхӕфсӕнтӕ.

БИБЛИЙ ЦИ ФИНСТ ЕС? «Бахӕстӕг уотӕ Хуцаумӕ, ӕма уӕмӕ е дӕр ӕрбахӕстӕг уодзӕй» (Иакови 4:8). Уӕ бийнонти ахурӕн гъӕуама уа график, ӕма уин гъӕуама еци графикмӕ гӕсгӕ цӕуа (Райдайӕн 18:19). Фал айдагъ е фагӕ нӕй. Уӕ царди Хуцауӕн алкӕддӕр гъӕуама уа бунат. Библий финст ес, зӕгъгӕ, дӕ бийнонти хӕццӕ Хуцауи туххӕй дзорӕ, «хӕдзари ку бадай, надбӕл ку цӕуай, ку ниххуссай ӕма ку исистай», уӕд. Уотемӕй бийнонтӕ Хуцаумӕ хӕстӕгдӕр кӕндзӕнцӕ (Дуккаг закъон 6:6, 7). Дӕуӕн дӕр дӕ нисан Йесо Навини нисани хузӕн уӕд. Е загъта: «Ӕз ӕма мӕ бийнонтӕ лӕггадӕ кӕндзинан Йеговӕн» (Йесо Навин 24:15).

ЦИ ЕС БАКӔНӔН?

• Уӕ бийнонти ахури равзаретӕ, алкӕмӕн дӕр уи пайда ка уа, уӕхӕн ӕрмӕг.