Edwɛne 65:1-13
Kɔmaa edwɛndolɛma kpanyinli ne. Devidi ayɛlɛyelɛ edwɛne. Edwɛne.
65 O Nyamenle, ayɛlɛyelɛ ɛlɛkendɛ wɔ wɔ Zayɔn;+Yɛbadua yɛ ɛwɔkɛ ne mɔ yeamaa wɔ.+
2 O asɔneyɛlɛ Tievolɛ, ɛ nwo ɛkɛ ne a menli* ngakyile kɔsɔɔti ba a.+
3 Me nvonleɛ ne mɔ ɛbo me nwo zo,+Noko ɛkeda yɛ mɛladonlɛ ne mɔ azo.+
4 Anyelielɛ a le sonla ne mɔɔ wɔkpa ye na wɔmaa yebikye wɔKɛ ɔradɛnla wɔ alienwo ɛkɛ ne la.+
Ninyɛne mgbalɛ mɔɔ wɔ wɔ sua nu ɛkɛ ne la bamaa yɛ ko ayi,+Wɔ ɛzonlenlɛsua nwuanzanwuanza ne.+
5 Ɛbalua tenlene nyɛleɛ ɛzulolɛ zo wɔabua yɛ,+O yɛ ngoanedievolɛ Nyamenle;Wɔmɔ a ɛle azɛlɛ ye ɛleka biala+Nee bɛdabɛ mɔɔ bɛwɔ nyevile ne anzi lɔ la Anwodozo a.
6 Wɔlua wɔ tumi ne azo wɔva awoka ne mɔ wɔzie ɛkɛ ne kpundii;Wɔheda tumi kpole.+
7 Ɛmaa nyevile ne mɔɔ ɛlɛkulu la gua dii,+Ɛmaa azɛlɛkye ne mɔ mɔɔ bu la nee maanle maanle ne mɔ begyebegyeyɛlɛ ne gyakyi.+
8 Bɛdabɛ mɔɔ bɛde moamoa la bazulo wɔ sɛkɛlɛneɛ ne mɔ;+Ɛbamaa bɛdabɛ mɔɔ bɛvi aduduleɛ kɔdwu adɔleɛ la ava anyelielɛ ado edwɛne.
9 Ɛnea azɛlɛ ne,Ɛmaa ɔso ma dɔɔnwo na ɔkye aleɛ.+
Azudenle ne mɔɔ vi Nyamenle ɛkɛ ne la anu nzule zonle;Ɛmaa bɛnyia ma,+Ɔluakɛ zɔhane a ɛzieziele azɛlɛ ne a.
10 Ɛmaa nzule yi ye ahuma ne mɔ na ɛsiezie ye azɛlɛ mɔɔ bɛvundu* la ɛmaa ɔyɛ sɛsɛ;Ɛtɔ nyenyensuo ɛmaa azɛlɛ ne do; ɛyila azɛlɛ ne ɛmaa ninyɛne mɔɔ fifi zolɛ la nyi.+
11 Ɛfa wɔ kpalɛyɛlɛ ne ɛbɔ ɛvolɛ ne abotile;Ninyɛne mgbalɛ dɔɔnwo yi ndenle mɔɔ ɛdua nu la anu.+
12 Ndile amolɛ kɔ zo bu fienemgbole nu adidileka ne mɔ,+Yɛɛ awoka ngyikyi ne mɔ anye die kpole.+
13 Mboane ɛyi adidileka ne mɔ,Yɛɛ ma ɛheda mbɔnza ne mɔ azo.+
Bɛteɛdea nu konimlilɛ nu, ɛhɛe, bɛto edwɛne.+
