‘Bɛbɔ Edwɛkpa Ne Nolo!’
2024 Gyihova Alasevolɛ Nyianu
Bɛndua ɛhwee • Bɛnlielie ezukoa
Gyimalilɛ Ne Anu Edwɛkɛ Titili
Yalɛ: Nea daselɛ mɔɔ kile kɛ Gyisɛse anwo edwɛkpa mɔɔ wɔ Edwɛkpa mbuluku ne anu la le ye ɛbɛlabɔlɛ nu edwɛkɛ mɔɔ le nɔhalɛ a. Nea kɛzi yɛbahola yɛanyia Baebolo nu edwɛkɛ ɛhye mɔ azo nvasoɛ ɛnɛ la.
Folɛ: Ngapezo boni a bɛhanle bɛvanenle Gyisɛse awolɛ nee ye ngakula nu anwo a, na asoo bɛrale nu amgba ɔ?
Molɛ: Sukoa deɛmɔti ɔnva nwo kɛzi ewiade tɛnlabelɛ ne ɛlɛsɛkye ɛnɛ la, menli mgbe dɔɔnwo te nganeɛ kɛ bɛlɛ banebɔlɛ nee anwodozo la wɔ ɛdendɛlɛ mɔɔ gyi Baebolo ne azo mɔɔ se, “Deɛmɔti Yɛnzulo Amaneɛ Ɛtane La” anu.
Drama
Gyisɛse Anwo Edwɛkpa Ne: Vidio 1
Ewiade Ne Kɛnlaneɛ
Adenle mɔɔ bɛluale zo bɛwole Gyisɛse la boka nwanwane ninyɛne mɔɔ sisile ye ngakula nu la anwo. Ye awovolɛ vale ye hɔle Yigyibiti amaa bɛabɔ ɔ nwo bane bavi Belemgbunli kodiawu bie mɔɔ ɛnee kpondɛ ye ahu ye la asa anu. Nzinlii ɔyɛle debie ɔmaanle ɔzinle kilehilevolɛma mɔɔ ɛnee bɛbe wɔ ye mekɛ zo la anwo. Nea ɛhye wɔ vidio mɔɔ ɔlɛ afoa nwiɔ mɔɔ bɛbaye wɔ Yalɛ nee Folɛ la anu.
Nea ɛvolɛ ɛhye nyianu ne anwo vidio
Duzu A Bɛyɛ Wɔ Yɛ Nyianu Ne Mɔ Abo A?
Nea mɔɔ ɛkɔ Gyihova Alasevolɛ nyianu bo a ɛbanwu ye la.
2024 Gyihova Alasevolɛ Nyianu: ‘Bɛbɔ Edwɛkpa Ne Nolo!’
Nea ninyɛne mɔɔ yɛbazukoa ye wɔ ɛvolɛ ɛhye nyianu gyimalilɛ ne anu la.
Drama Mɔɔ Yɛbanlea La Anu Edwɛkɛ Bie Mɔ: Gyisɛse Anwo Edwɛkpa Ne
Menli dɔɔnwo ze nwanwane adenle mɔɔ bɛluale zo bɛwole Gyisɛse la anwo edwɛkɛ. Noko kolaa na bɛawo ye la duzu a zile a na boni a zile wɔ ye awolɛ ne anzi a?