Edwɛne 34:1-22
Devidi edwɛne, mekɛ mɔɔ ɔyɛle ɔ nwo ɛzɛlɛ+ wɔ Abemɛlɛke anyunlu na ɔvoanle ye kɛ ɔhɔ la.
א [Aleph]
34 Mebaye Gyihova ayɛlɛ dahuu;Me nloa ɛnrɛgyakyi ye ayɛlɛyelɛ ɛlɛ.
ב [Beth]
2 Mebava Gyihova meadu me nwo;+Bɛlɛvoma bɛade na bɛali fɛlɛko.
ג [Gimel]
3 Bɛboka me nwo bɛmaa yɛhanvo Gyihova;+Bɛmaa yɛbɔ nu yɛkpogya ye duma ne zo.
ד [Daleth]
4 Menzɛlɛle Gyihova na ɔbuale me.+
Ɔliele me ɔvile me ɛzulolɛ muala anu.+
ה [He]
5 Bɛdabɛ mɔɔ bɛvale bɛ nye bɛdole ɔ nwo zo la anye liele;Bɛ nyunlu angua aze.
ז [Zayin]
6 Koahweabane ɛhye vɛlɛle, na Gyihova diele ye.
Ɔliele ye ɔvile ye anwongyelelɛ kɔsɔɔti anu.+
ח [Heth]
7 Gyihova anwumabɔvolɛ bɛnga bɛdabɛ mɔɔ bɛsulo Ye la kɔsɔɔti anwo yia,+Na ɔdie bɛ.+
ט [Teth]
8 Bɛzɔ bɛnlea na bɛnwu kɛ Gyihova le kpalɛ;+Anyelielɛ a le sonla ne mɔɔ nriandi kɔfea ye nu la.
י [Yod]
9 Bɛzulo Gyihova, bɛmɛ ye nwuanzanwuanzama kɔsɔɔti,Ɔluakɛ bɛdabɛ mɔɔ bɛsulo ye la ɛngyia ɛhwee.+
כ [Kaph]
10 Ɛhɔne ku awenade ngyikyi mɔɔ anwo yɛ se bɔbɔ la,Noko bɛdabɛ mɔɔ bɛkpondɛ Gyihova la ɛnrɛhyia debie kpalɛ biala anwo.+
ל [Lamed]
11 Me mra, bɛrɛla, bɛdie me;Mebahilehile bɛ Gyihova anwo ɛzulolɛ ne.+
מ [Mem]
12 Bɛ nuhua ne boni a ɔ nye die ngoane nwo aNa nwane a kulo kɛ ɔnyi ɔkyɛ na ɔnwu ninyɛne mgbalɛ dɔɔnwo a?+
נ [Nun]
13 Ɛnee bɔ ɛ tafinlima nwo bane fi ɛtane nwo,+Yɛɛ ɛ nloa nwo bane fi mɛlɛbɛla edwɛkɛ nwo.+
ס [Samekh]
14 Twe ɛ nwo fi ɛtane nwo na yɛ kpalɛ;+Kpondɛ anzodwolɛ na di ɔ nzi.+
ע [Ayin]
15 Gyihova anye wɔ tenlenema anwo zo,+Na bɛsu bɛkpondɛ ye moalɛ a, ɔyɛ ɛnzolɛ ɔtie bɛ.+
פ [Pe]
16 Noko Gyihova anye sa bɛdabɛ mɔɔ bɛyɛ ɛtane la,Kɛ ɔkyikyi bɛ nwo ngakyelɛ kɔsɔɔti yeavi azɛlɛ ne azo.+
צ [Tsade]
17 Bɛdeanle nu, na Gyihova dele;+Ɔliele bɛ ɔvile bɛ anwongyelelɛ kɔsɔɔti anu.+
ק [Qoph]
18 Gyihova bikye bɛdabɛ mɔɔ bɛ ahonle ɛbubu la;+Na ɔdie bɛdabɛ mɔɔ bɛ sa nu ɛdo la.+
ר [Resh]
19 Tenlenenli amaneɛnwunlɛ* zonle,+Noko Gyihova die ye fi ɔ muala anu.+
ש [Shin]
20 Ɔbɔ ye mbowule kɔsɔɔti anwo bane;Ko bɔbɔ ɛmbu.+
ת [Taw]
21 Munzule bahu amumuyɛnli;Na bɛdabɛ mɔɔ bɛkyi tenlenenli la bɛali fɔlɛ.
22 Gyihova die ye azonvolɛ ngoane;*Ɔnrɛmaa bɛdabɛ mɔɔ bɛfa ye bɛyɛ bɛ ɛvealeka la anu biala ɛnrɛli fɔlɛ.+
