Edwɛne 55:1-23
Kɔmaa edwɛndolɛma kpanyinli ne; bɛva getaa* bɛboka nwo bɛdo. Masekele.* Devidi edwɛne.
55 O Nyamenle, tie me asɔneyɛlɛ,+Yɛɛ mmabu ɛ nye ɛgua me anwunvɔnezelɛ modolɛ zo.*+
2 Yɛ ɛnzolɛ tie me na bua me.+
Me adwenleadwenle ɛmaa meyɛ basaa,+Me adwenle ɛha ɛbɔ nu
3 Ɔlua mɔɔ kpɔvolɛ ne ɛlɛkaNee amumuyɛnli ne ngyegyelɛ ne ati.
Bɛzo ngyegyelɛ bɛdoa me,Bɛva me nwo ɛya yɛɛ bɛkyi me.+
4 Me ahonle ɛlɛdi nyane wɔ me nu,+Yɛɛ ewule nwo ɛzulolɛ ɛdɔ me nwo zo.+
5 Ɛzulolɛ ɛha me, me ahonle ɛdu,Yɛɛ me nwo ala a woso me a.
6 Meka ye dahuu kɛ: “Saa melɛ ndɛbalɛ kɛ abubule a!
Anrɛɛ mebadu meahɔdɛnla ɛleka mɔɔ banebɔlɛ wɔ la.
7 Nea! Anrɛɛ mebadu meahɔ moamoa.+
Anrɛɛ mebahɔdɛnla fienemgbole ne anu.+ (Sila)
8 Anrɛɛ mebaha me nwo meahɔkpondɛ feabelɛNa meaye me nwo meavi anwoma kpole ne nee ahumu ne anu.”
9 O Gyihova, maa bɛ nye zo ɛda bɛ na sɛkye bɛ ngyehyɛleɛ ne mɔ,*+Ɔluakɛ menwu basabasayɛlɛ nee konle wɔ suakpole ne azo.
10 Alehyenlɛ nee aledwolɛ biala bɛdua ye bane ne mɔ ati zo bɛbɔ ye mgbɔlɔka bɛyia;Ninyɛndane nee ngyegyelɛ wɔ zo.+
11 Ɛzɛkyelɛ wɔ zolɛ;Nzisi nee mɛlɛbɛla ɛmkpa ye gua ne azo.+
12 Ɔluakɛ tɛ kpɔvolɛ a tendɛ tia me a;+Anrɛɛ mebahola meagyinla ɔ nloa.
Tɛ kpɔvolɛ a dwazo tia me a;Anrɛɛ mebava me nwo meavea ye.
13 Emomu ɛdawɔ ɔ, sonla mɔɔ le kɛ medame,*+Me gɔnwo mɔɔ meze wɔ kpalɛ la.+
14 Ɛnee yɛle agɔnwolɛma kpalɛ;Ɛnee yɛ nee menli dɔɔnwo dua nwo kɔ Nyamenle sua nu.
15 Maa ɛzɛkyelɛ ɛva bɛ aze!+
Maa bɛhɔ Nla* ne anu anyewɔzo;Ɔluakɛ amumuyɛ ɛyi ɛleka mɔɔ bɛde la nee bɛ ahonle nu.
16 Na mame, mebadea nu meavɛlɛ Nyamenle,Na Gyihova balie me.+
17 Nɔsolɛ nu, nwonlomɔ nu nee ewiazo, medi nyane na mekponle,+Na ɔte me ne.+
18 Ɔbalie me yeavi menli mɔɔ ko tia me la asa anu na yeamaa meanyia anzodwolɛ,Ɔluakɛ menli dɔɔnwo dwazo tia me.+
19 Nyamenle bade na yeaho yeatia bɛ,+Ahenle mɔɔ ɔvi tete ɔde belemgbunli ebia zo la.+ (Sila)
Bɛnrɛhakyi,Bɛdabɛ mɔɔ bɛnzulo Nyamenle la.+
20 Ɔtetale* bɛdabɛ mɔɔ bɛ nee ye de anzodwolɛ nu la;+Yeanli ye ngyekyeleɛ ne azo.+
21 Ye edwɛkɛ le toanwo tɛla bɛta,+Noko konle wɔ ye ahonle nu.
Ye edwɛkɛ le tonlotonlo tɛla nwole,Noko bɛle kɛ konle dadeɛ mɔɔ yɛ nla la.+
22 Fuandi wɔ adesoa to Gyihova anwo zo,+Na ɔbazɔ wɔ nu.+
Ɔnrɛmaa tenlenenli ɛnrɛdɔ aze ɛlɛ.+
23 Noko wɔmɔ, O Nyamenle, ɛbava bɛ wɔahɔ kuma ne abo nehane.+
Bɛdabɛ mɔɔ bɛka mogya bɛgua nee bɛdabɛ mɔɔ bɛle mɛlɛbɛla la ɛnrɛli bɛ mekɛ ne foa ko bɔbɔ.+
Noko mame, mebava me nwo meado ɛ nwo zo.
Ɔbodwɛkɛ
^ Nea Edwɛkɛbohilelɛ.
^ Anzɛɛ “Yɛɛ mmafa ɛ nwo ɛfea saa meyɛ asɔne mesɛlɛ moalɛ a.”
^ Anzɛɛ “maa bɛ aneɛ ne ɛyɛ basabasa.”
^ Anzɛɛ “sonla mɔɔ ɛle me ti pɛne.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Ɛhye kile, agɔnwolɛ dɛba ne mɔɔ bɛha ɔ nwo edwɛkɛ wɔ ngyh. 13 nee 14 la.
