សុភាសិត ១៩:១-២៩
១៩ ក្រីក្រ តែប្រព្រឹត្តដោយចិត្តស្មោះឥតងាករេជានិច្ច+នោះប្រសើរជាងល្ងីល្ងើ ហើយភូតភរ។+
២ បើមនុស្សគ្មានចំណេះ នោះមិនល្អទេ+ហើយអ្នកណាដែលប្រព្រឹត្តដោយឥតពិចារណា អ្នកនោះកំពុងធ្វើខុស។
៣ ភាពល្ងង់ខ្លៅ*របស់មនុស្សនាំឲ្យគាត់ដើរផ្លូវខុសហើយគាត់បែរជាខឹងព្រះយេហូវ៉ាយ៉ាងខ្លាំង។
៤ អ្នកមានសម្បូរមិត្តភក្ដិណាស់តែអ្នកក្រត្រូវមិត្តភក្ដិបោះបង់ចោលវិញ។+
៥ សាក្សីក្លែងក្លាយនឹងមិនរួចពីការដាក់ទោសឡើយ+ហើយអ្នកដែលតែងតែនិយាយកុហកនឹងមិនរួចខ្លួនទេ។+
៦ មនុស្សជាច្រើនខំផ្គាប់ផ្គុនអ្នកមានឋានៈខ្ពស់*ហើយអ្នកណាៗក៏ចង់ធ្វើជាមិត្តរបស់អ្នកដែលឲ្យអំណោយដែរ។
៧ ចំណែកឯអ្នកក្រវិញ បងប្អូនទាំងអស់របស់គាត់ស្អប់គាត់+ទម្រាំតែមិត្តភក្ដិរបស់គាត់ច្បាស់ជាមិនរាប់រកគាត់ជាងនោះទៅទៀត!+
គាត់ខំអង្វរករពួកគេ តែគ្មាននរណាអើពើនឹងគាត់ទេ។
៨ អ្នកណាខំឲ្យបានប្រាជ្ញា អ្នកនោះស្រឡាញ់ជីវិតខ្លួន+អ្នកណារមែងប្រើសមត្ថភាពវែកញែក អ្នកនោះនឹងបានជោគជ័យ។+
៩ សាក្សីក្លែងក្លាយនឹងមិនរួចពីការដាក់ទោសឡើយហើយអ្នកដែលតែងតែនិយាយកុហកនឹងវិនាសជាមិនខាន។+
១០ មិនសមឲ្យមនុស្សល្ងង់ខ្លៅ*រស់នៅយ៉ាងសម្បូរសប្បាយឡើយទម្រាំតែអ្នកបម្រើ ពួកគេច្បាស់ជាមិនសមត្រួតត្រាលើមេដឹកនាំជាងនោះទៅទៀត!+
១១ មនុស្សដែលយល់ធ្លុះជ្រៅមិនឆាប់ខឹង+ហើយគាត់នឹងទទួលការសរសើរ បើគាត់មិនប្រកាន់ទោស។*+
១២ កំហឹងរបស់ស្ដេចប្រៀបដូចជាសំឡេងគ្រហឹមរបស់តោស្ទាវ+តែការពេញចិត្តពីស្ដេចប្រៀបបាននឹងសន្សើមលើរុក្ខជាតិ។
១៣ កូនល្ងីល្ងើនាំបញ្ហាឲ្យឪពុក+ហើយប្រពន្ធដែលចូលចិត្តរករឿង*ប្រៀបដូចជាដំបូលដែលលិចទឹកឥតឈប់ឈរ។+
១៤ ផ្ទះសម្បែងនិងទ្រព្យសម្បត្តិជាមត៌កពីឪពុកប៉ុន្តែ ប្រពន្ធដែលចេះគិតពិចារណាជាអំណោយពីព្រះយេហូវ៉ា។+
១៥ ភាពខ្ជិលច្រអូសនាំឲ្យគេងលង់លក់ហើយមនុស្សមិនខ្នះខ្នែងនឹងត្រូវស្រេកឃ្លាន។+
១៦ អ្នកណាធ្វើតាមបញ្ញត្តិ អ្នកនោះនឹងមានជីវិតតទៅទៀត+តែអ្នកណាមិនប្រយ័ត្នប្រយែង អ្នកនោះនឹងស្លាប់។+
១៧ អ្នកណាអាណិតមេត្តាដល់មនុស្សទន់ទាប អ្នកនោះឲ្យព្រះយេហូវ៉ាខ្ចី+ហើយលោកនឹងតបស្នងគាត់*តាមអ្វីដែលគាត់បានធ្វើ។+
១៨ ចូរប្រៀនប្រដៅកូនរបស់អ្នកកាលដែលនៅមានឱកាស*+បើមិនដូច្នោះទេ អ្នកនឹងទៅជាដើមហេតុដែលនាំឲ្យកូនស្លាប់។+
១៩ មនុស្សឆេវឆាវនឹងទទួលទោសជាមិនខានបើអ្នកខំជួយគាត់ឲ្យរួចពីទោស អ្នកនឹងត្រូវធ្វើដូច្នេះម្ដងហើយម្ដងទៀត។+
២០ ចូរស្ដាប់ពាក្យទូន្មាន ហើយទទួលយកការប្រៀនប្រដៅចុះ+ដើម្បីឲ្យអ្នកមានប្រាជ្ញានៅថ្ងៃមុខ។+
២១ មនុស្សមានគោលបំណង*ជាច្រើននៅក្នុងចិត្តតែគោលបំណងរបស់ព្រះយេហូវ៉ានឹងក្លាយជាការពិត។+
២២ សម្រស់របស់មនុស្សគឺជាសេចក្ដីស្រឡាញ់ដ៏ស្មោះត្រង់ដែលពួកគេបង្ហាញចំពោះអ្នកឯទៀត។+
បើជាមនុស្សក្រីក្រ នោះប្រសើរជាងជាមនុស្សភូតភរ។
២៣ ការកោតខ្លាចព្រះយេហូវ៉ានាំឲ្យបានជីវិត។+
អ្នកណាដែលកោតខ្លាចលោក អ្នកនោះនឹងបានសម្រាកយ៉ាងសុខស្រួល គ្មានគ្រោះថ្នាក់អ្វីឡើយ។+
២៤ មនុស្សកម្ជិលលូកដៃទៅក្នុងចានអាហារតែគាត់មិនខ្ចីយកម្ហូបមកដាក់ក្នុងមាត់ទេ។+
២៥ ចូរវាយអ្នកដែលប្រមាថមើលងាយ+ ដើម្បីឲ្យអ្នកដែលខ្វះបទពិសោធន៍មានភាពឈ្លាសវៃ+ហើយចូរកែតម្រង់អ្នកដែលមានការយល់ដឹងប្រយោជន៍ឲ្យគាត់ចម្រើនចំណេះ។+
២៦ អ្នកណាដែលធ្វើបាបឪពុក ហើយបណ្ដេញម្ដាយអ្នកនោះនាំឲ្យខ្លួនអាម៉ាស់មុខនិងអាប់ឱន។+
២៧ កូនអើយ បើកូនឈប់ស្ដាប់ការប្រៀនប្រដៅកូននឹងវង្វេងចេញពីប្រសាសន៍ដែលផ្ដល់ចំណេះ។
២៨ សាក្សីឥតបានការមើលងាយយុត្តិធម៌+ហើយមនុស្សទុច្ចរិតសប្បាយធ្វើអំពើអាក្រក់ ដូចសប្បាយបរិភោគអាហារ។+
២៩ អ្នកដែលប្រមាថមើលងាយនឹងត្រូវកាត់ទោស+ហើយមនុស្សល្ងីល្ងើនឹងត្រូវរំពាត់វាយខ្នង។+
កំណត់សម្គាល់
^ ក្នុងគម្ពីរពាក្យ«ល្ងង់ខ្លៅ»សំដៅលើអ្នកដែលមិនធ្វើតាមខ្នាតតម្រារបស់ព្រះដោយចេតនា
^ ឬ«អ្នកមានចិត្តទូលាយ»
^ ក្នុងគម្ពីរពាក្យ«ល្ងង់ខ្លៅ»សំដៅលើអ្នកដែលមិនធ្វើតាមខ្នាតតម្រារបស់ព្រះដោយចេតនា
^ ឬ«មិនប្រកាន់ការរំលង»
^ ឬ«ប្រពន្ធដែលពូកែត្អូញត្អែរ»
^ ឬ«នឹងឲ្យរង្វាន់ដល់គាត់»
^ ឬ«មានសង្ឃឹម»
^ ឬ«មានគម្រោង»
