សុភាសិត ១៤:១-៣៥
១៤ ស្ត្រីដែលពិតជាមានប្រាជ្ញានឹងពង្រឹងក្រុមគ្រួសាររបស់នាង+តែស្ត្រីល្ងង់ខ្លៅ*នឹងបំផ្លាញក្រុមគ្រួសារដោយដៃរបស់នាងផ្ទាល់។
២ មនុស្សដែលដើរក្នុងផ្លូវទៀងត្រង់គោរពកោតខ្លាចព្រះយេហូវ៉ាប៉ុន្តែ មនុស្សដែលដើរក្នុងផ្លូវវៀចវេរ*ប្រមាថមើលងាយលោក។
៣ សម្ដីអួតអាងរបស់មនុស្សល្ងង់ខ្លៅ*ប្រៀបដូចជារំពាត់តែសម្ដីរបស់មនុស្សមានប្រាជ្ញានឹងជួយការពារពួកគេ។
៤ កន្លែងណាដែលគ្មានសត្វគោ នោះប្រដាប់ដាក់ចំណីតែងតែស្អាតល្អ។
ប៉ុន្តែ កម្លាំងរបស់សត្វគោនាំឲ្យបានផលជាបរិបូរ។
៥ សាក្សីស្មោះត្រង់នឹងមិននិយាយកុហកទេតែសាក្សីក្លែងក្លាយនិយាយកុហកជានិច្ច។+
៦ មនុស្សមានអំណួត*ខំស្វែងរកប្រាជ្ញា តែរកមិនបានសោះ។
ប៉ុន្តែ អ្នកដែលមានការយល់ដឹងបានចំណេះយ៉ាងងាយស្រួល។+
៧ ចូរជៀសឲ្យឆ្ងាយពីមនុស្សល្ងង់ខ្លៅ*ព្រោះអ្នកនឹងមិនបានចំណេះពីមាត់របស់គេឡើយ។+
៨ ប្រាជ្ញាជួយមនុស្សឈ្លាសវៃឲ្យយល់ច្បាស់អំពីផ្លូវដែលខ្លួនកំពុងដើរចំណែកឯមនុស្សល្ងីល្ងើត្រូវគេបោកបញ្ឆោត*ដោយសារតែភាពល្ងង់ខ្លៅរបស់ខ្លួន។+
៩ ពេលមនុស្សល្ងង់ខ្លៅ*ធ្វើខុស ពួកគេចាត់ទុកថាជារឿងអស់សំណើច+រីឯពួកមនុស្សទៀងត្រង់ ពួកគេសុខចិត្តស្រុះស្រួលគ្នាវិញ។
១០ មានតែចិត្តខ្លួនឯងប៉ុណ្ណោះដែលយល់ពីភាពល្វីងជូរចត់របស់ខ្លួនហើយអំណរក្នុងចិត្តខ្លួន អ្នកក្រៅមិនអាចយល់បានទេ។
១១ ផ្ទះរបស់មនុស្សទុច្ចរិតនឹងត្រូវបំផ្លាញចោល+តែត្រសាលរបស់មនុស្សទៀងត្រង់នឹងចម្រុងចម្រើនឡើង។
១២ មានផ្លូវមួយដែលមនុស្សមើលទៅហាក់ដូចជាផ្លូវត្រឹមត្រូវ+តែនៅទីបំផុត ផ្លូវនោះនាំទៅដល់សេចក្ដីស្លាប់។+
១៣ ទោះជាមនុស្សសើចក៏ដោយ ក្នុងចិត្តគាត់ប្រហែលជាឈឺចាប់ហើយការអរសប្បាយប្រហែលជាចប់ទៅវិញដោយក្ដីទុក្ខសោក។
១៤ មនុស្សដែលចចេសធ្វើតាមតែចិត្ត នឹងទទួលផលពីការដែលខ្លួនប្រព្រឹត្ត+ប៉ុន្តែ មនុស្សល្អនឹងទទួលបានរង្វាន់ពីការប្រព្រឹត្តល្អរបស់ខ្លួន។+
១៥ មនុស្សឆោត*ជឿគ្រប់ពាក្យទាំងអស់តែមនុស្សឈ្លាសវៃរមែងគិតពិចារណាជាមុនសិន។+
១៦ មនុស្សដែលមានប្រាជ្ញាប្រុងប្រយ័ត្នជានិច្ច ហើយមិនធ្វើអំពើអាក្រក់ឡើយ។
តែមនុស្សល្ងីល្ងើចេះតែធ្វេសប្រហែស* ថែមទាំងទុកចិត្តខ្លួនឯងហួសហេតុពេក។
១៧ មនុស្សដែលរហ័សខឹងតែងតែប្រព្រឹត្តដោយល្ងង់ខ្លៅ+ចំណែកឯមនុស្សដែលចេះគិតវែងឆ្ងាយ នោះនឹងត្រូវគេស្អប់វិញ។
១៨ មនុស្សឆោត*នឹងបានភាពល្ងង់ខ្លៅទុកជាមត៌កតែមនុស្សឈ្លាសវៃនឹងបានចំណេះទុកជាមកុដ។+
១៩ មនុស្សអាក្រក់នឹងឱនគោរពនៅចំពោះមុខមនុស្សល្អហើយមនុស្សទុច្ចរិតនឹងក្រាបខ្លួននៅខ្លោងទ្វាររបស់មនុស្សសុចរិត។
២០ អ្នកមានសម្បូរមិត្តភក្ដិណាស់+ចំណែកឯអ្នកក្រ សូម្បីតែអ្នកជិតខាងក៏ស្អប់គាត់ដែរ។+
២១ អ្នកណាដែលមើលងាយអ្នកជិតខាង អ្នកនោះប្រព្រឹត្តអំពើខុសឆ្គងតែអ្នកណាដែលបង្ហាញចិត្តមេត្តាដល់មនុស្សទន់ទាប អ្នកនោះមានសុភមង្គល។+
២២ អស់អ្នកដែលរៀបផែនការអាក្រក់នឹងត្រូវវង្វេងតែអស់អ្នកដែលតាំងចិត្តធ្វើអំពើល្អនឹងទទួលបានសេចក្ដីស្រឡាញ់*និងសេចក្ដីស្មោះត្រង់។+
២៣ អស់ទាំងការងារនឿយហត់សុទ្ធតែមានប្រយោជន៍ប៉ុន្តែ អ្នកដែលបានតែសម្ដីប៉ុណ្ណោះ នឹងធ្លាក់ខ្លួនក្រ។+
២៤ ទ្រព្យសម្បត្តិជាមកុដរបស់មនុស្សមានប្រាជ្ញាតែមនុស្សល្ងង់ខ្លៅបានតែភាពល្ងីល្ងើប៉ុណ្ណោះ។+
២៥ សាក្សីដែលនិយាយពាក្យពិតនឹងជួយការពារជីវិតមនុស្ស។
ប៉ុន្តែ ជនបោកបញ្ឆោតពោលតែពាក្យកុហក។
២៦ អ្នកដែលកោតខ្លាចព្រះយេហូវ៉ា មានទំនុកចិត្តទាំងស្រុងទៅលើលោក+ហើយនោះនឹងទៅជាទីពឹងជ្រកសម្រាប់កូនៗរបស់គាត់។+
២៧ ការកោតខ្លាចព្រះយេហូវ៉ានាំឲ្យបានជីវិតហើយជួយឲ្យបែរចេញពីអន្ទាក់នៃសេចក្ដីស្លាប់។
២៨ ស្ដេចបានរុងរឿងដោយសារមានប្រជារាស្ត្រច្រើន។+
ផ្ទុយទៅវិញ បើគ្មានប្រជារាស្ត្រទេ អ្នកគ្រប់គ្រងលែងមានអំណាចទៀត។
២៩ មនុស្សដែលមិនរហ័សខឹង ជាមនុស្សមានសមត្ថភាពវែកញែកខ្ពស់+តែមនុស្សដែលមិនចេះអត់ធ្មត់បង្ហាញចេញតែភាពល្ងង់ខ្លៅ។+
៣០ ចិត្តស្ងប់នាំឲ្យមានសុខភាពល្អតែចិត្តច្រណែនប្រៀបដូចជាជំងឺដែលធ្វើឲ្យឆ្អឹងពុករលួយ។+
៣១ អ្នកណាដែលបោកប្រាស់មនុស្សទន់ទាប អ្នកនោះមើលងាយព្រះដែលជាអ្នកបង្កើត+តែអ្នកណាដែលបង្ហាញចិត្តមេត្តាចំពោះមនុស្សក្រីក្រ អ្នកនោះលើកតម្កើងព្រះ។+
៣២ មនុស្សទុច្ចរិតនឹងវិនាសទៅ ព្រោះតែអំពើអាក្រក់របស់ខ្លួនតែមនុស្សសុចរិតនឹងទទួលបានការការពារដោយសារគាត់មានចិត្តស្មោះឥតងាករេ។+
៣៣ មនុស្សដែលមានការយល់ដឹងមិនអួតថាខ្លួនមានប្រាជ្ញាទេ+តែមនុស្សល្ងីល្ងើចូលចិត្តអួតអំពីអ្វីដែលខ្លួនដឹង។
៣៤ អំពើសុចរិតនាំឲ្យបណ្ដារាស្ត្រថ្កុំថ្កើង+តែអំពើខុសឆ្គងធ្វើឲ្យពលរដ្ឋអាប់ឱនកិត្តិយស។
៣៥ ស្ដេចពេញចិត្តអ្នកបម្រើដែលយល់ឆ្លុះជ្រៅ+តែស្ដេចខឹងយ៉ាងខ្លាំងចំពោះអ្នកបម្រើដែលបង្កតែរឿងអាម៉ាស់។+
កំណត់សម្គាល់
^ ក្នុងគម្ពីរពាក្យ«ល្ងង់ខ្លៅ»សំដៅលើអ្នកដែលមិនធ្វើតាមខ្នាតតម្រារបស់ព្រះដោយចេតនា
^ ឬ«ក្រវិចក្រវៀន»
^ ក្នុងគម្ពីរពាក្យ«ល្ងង់ខ្លៅ»សំដៅលើអ្នកដែលមិនធ្វើតាមខ្នាតតម្រារបស់ព្រះដោយចេតនា
^ ឬ«មនុស្សដែលចូលចិត្តចំអកឲ្យគេ»
^ ក្នុងគម្ពីរពាក្យ«ល្ងង់ខ្លៅ»សំដៅលើអ្នកដែលមិនធ្វើតាមខ្នាតតម្រារបស់ព្រះដោយចេតនា
^ ឬប្រហែលជាមានន័យថា«មនុស្សល្ងីល្ងើបោកបញ្ឆោតអ្នកឯទៀត»
^ ក្នុងគម្ពីរពាក្យ«ល្ងង់ខ្លៅ»សំដៅលើអ្នកដែលមិនធ្វើតាមខ្នាតតម្រារបស់ព្រះដោយចេតនា
^ ឬ«ខ្វះបទពិសោធន៍»
^ ឬ«មនុស្សល្ងីល្ងើចេះតែខឹង»
^ ឬ«ខ្វះបទពិសោធន៍»
^ ឬ«សេចក្ដីស្រឡាញ់ដ៏ស្មោះត្រង់»