Қорынттықтарға 2-хат 6:1—18
6 Құдаймен бірге еңбектеніп жүрген+ біз мынаны да өтінеміз: Құдайдың рақымын қабылдаған сендер оның қандай мақсатпен көрсетілгенін елеусіз қалдырмаңдар+.
2 Себебі ол: “Ықыласқа ие болатын кезде мен саған құлақ астым. Құтқарылатын күні көмектестім”+,— дейді. Міне, қазір ерекше ықыласқа ие болатын кез. Міне, қазір құтқарылатын күн.
3 Қызметімізге еш мін тағылмас үшін, өзгелерді сүріндіретіндей еш нәрсе жасамаймыз+.
4 Қайта, барлық жағынан өзімізді Құдайдың қызметшісі ретінде танытамыз+. Мұны көп жағдайларда табанды болу, қасірет шегу, мұқтаждықта болу, қиындық көру+,
5 ұрып-соғылу, түрмеге жабылу+, дүрбелең кездерді бастан кешу, ауыр еңбек ету, түндерді ұйқысыз өткізу, ас-сусыз қалуымызбен+,
6 сондай-ақ тазалығымыз, біліміміз, шыдамдылығымыз+, мейірімділігіміз+, киелі рухтың басшылығымен жүруімізбен, шынайы сүйіспеншілігімізбен+
7 және шындықты айту, Құдайдың күшіне сүйену+, оң және сол қолымызға әділдік қаруын алу*+,
8 құрметке ие болу және масқаралану, датталу және мақталу, өтірікші деп есептесе де, шыншыл болу,
9 танымал болып есептелмесек те, танымал болу, өлімге лайық саналғанмен, тірі жүру+, жазаланғандай көрінгенмен, өлімге ұстап берілмеу+,
10 қайғылы көрінгенмен, қуанышты болу, кедей есептелгенмен, көп адамды байыту, түгі жоқтай көрінгенмен, бәріне ие болуымызбен көрсетеміз+.
11 Қорынттықтар, біз сендермен ашық сөйлестік, жүрегімізді де айқара аштық.
12 Сендерге деген жылы сезімімізді тежеген жоқпыз+, бірақ сендер бізге деген жылы сезімдеріңді тежейсіңдер.
13 Балаларымдай көріп айтып тұрмын, сендер де бізге жүректеріңді айқара ашыңдар+.
14 Сенбейтіндермен бір мойынтұрықты* кимеңдер+. Әділдік пен заңсыздық арасында қандай байланыс бар+? Жарық пен қараңғылық арасында ортақ не бар+?
15 Мәсіх пен Белияр* арасында бірлік бола ала ма+? Сенуші мен сенбейтін адамның арасында ортақ не бар+?
16 Құдайдың ғибадатханасы мен пұттар арасында қандай келісім болуы мүмкін+? Біз тірі Құдайдың ғибадатханасымыз+. Бұл туралы Құдай былай деген: “Мен орталарында тұрып+, араларында жүремін. Мен олардың Құдайы, ал олар менің халқым болады”+.
17 “Сондықтан олардың арасынан шығып, бөлек тұрыңдар, бұдан былай арам нәрсеге жоламаңдар,— дейді Ехоба”+. “Сонда мен сендерді қабылдаймын”+.
18 “Мен Әкелерің+, ал сендер ұл-қыздарым боласыңдар+,— дейді Құдіреті шексіз Ехоба”.
Сілтемелер
^ Шабуыл жасау және қорғану үшін болса керек.
^ Түсіндірмені қараңыз.
^ “Түкке жарамсыз” дегенді білдіретін бұл еврей сөзі Шайтанға қатысты қолданылады.
