Тімөтеге 2-хат 3:1—17
3 Соңғы күндері+ ерекше қиын уақыт болатынын біліп қой:
2 адамдар тек қара басын ойлайтын, ақшақұмар, мақтаншақ, тәкаппар, балағатшыл, ата-анасына мойынсұнбайтын, алғысты білмейтін, опасыз,
3 бауырмалдықтан жұрдай, ымыраға келмейтін, жалақор, ұстамсыз, қатыгез, жақсылықты жек көретін,
4 сатқын, қиқар, өркөкірек, Құдайдан гөрі ләззат-ермекті артық көретін болады,
5 құдайшыл болып көрінгенмен, бұны істерімен көрсетпейді+. Мұндайлардан аулақ жүр.
6 Өйткені солардың арасынан үйлерге қулықпен кіріп, әлсіз әйелдерді еліктіріп, торларына түсіретін адамдар шығады. Ол әйелдер күнә мен түрлі құмарлықтарға әбден берілген.
7 Олар үнемі тәлім алғанмен, ешқашан шындықты толық түсіне алмайды.
8 Янни мен Ямбридің Мұса пайғамбарға қарсы шыққаны сияқты, әлгі адамдар да шындыққа қайтпай қарсы шығады. Олардың саналары әбден бүлінген, әрі сенім жолымен жүрмей, Құдайдың ықыласынан айырылған.
9 Алайда олар алысқа бара алмайды, өйткені олардың ақымақтығы әлгі екеуінікі сияқты бәріне айдан анық болады+.
10 Ал сен менің үйреткендеріме ден қойдың, өмір салтымды+, мақсатым, сенімім, шыдамдылығым, сүйіспеншілігім мен табандылығымды үлгі тұттың.
11 Антиохия+, Иқония+ мен Листрада+ қалай қудаланғанымды және қандай азап көргенімді де білесің. Талай қудалауды бастан өткіздім, ал Иеміз мені солардың бәрінен құтқарды+.
12 Иә, Мәсіх Исаның шәкірті ретінде Құдайға шын беріліп өмір сүргісі келетіндердің бәрі де қуғындалады+.
13 Ал зұлымдар мен алаяқтар бұрынғыдан бетер жамандық жасап, өзгелерді де алдап, өздері де алдана бермек+.
14 Бірақ сен үйренген әрі көзің жеткен нәрселерді бұдан былай да ұстана бер+, өйткені кімдерден тәлім алғаныңды білесің.
15 Сонымен қатар адамды дана ететін Киелі жазбалармен нәресте кезіңнен-ақ+ таныссың+. Осы даналық Мәсіх Исаға деген сенім арқылы құтқарылуға жеткізеді+.
16 Киелі жазбалардың бәрі Құдай рухының жетелеуімен жазылған+, әрі тәлім беруге+, әшкерелеуге, түзетуге, әділ талаптарға сай тәрбиелеуге тиімді+.
17 Осылай Құдай адамы барынша жарамды, яғни кез келген игі іске толықтай даяр болады.