Johanu 3:1-36
3 Dawe de tin to Falesi lẹ mẹ, he nọ yin Nikodẹmi,+ he yin ogán Ju lẹ tọn de.
2 Ewọ wá Jesu dè to zánmẹ+ bo dọna ẹn dọmọ: “Labi,+ mí yọnẹn dọ hiẹ wá sọn Jiwheyẹwhe dè taidi mẹplọntọ de, na mẹde ma sọgan basi ohia ehelẹ+ he hiẹ ko basi adavo Jiwheyẹwhe tin hẹ ẹ.”+
3 Jesu gblọnna ẹn dọmọ: “Nugbonugbo wẹ yẹn dọna we dọ, adavo mẹde yin vivọji,*+ e ma sọgan mọ Ahọluduta Jiwheyẹwhe tọn.”+
4 Nikodẹmi dọna ẹn dọmọ: “Nawẹ mẹde sọgan yin jiji to whenue e ko whẹ́n mẹho gbọn? E ma sọgan biọ ohò onọ̀ etọn tọn mẹ whla awetọ bosọ vọ́ yin jiji gba, kavi e sọgan wàmọ wẹ?”
5 Jesu gblọn dọmọ: “Nugbonugbo wẹ yẹn dọna we dọ, adavo mẹde yin jiji gbọn osin+ po gbigbọ po dali,+ e ma sọgan biọ Ahọluduta Jiwheyẹwhe tọn mẹ.
6 Nuhe ko yin jiji gbọn agbasalan dali, agbasalan wẹ, podọ nuhe ko yin jiji gbọn gbigbọ dali, gbigbọ wẹ.
7 E paṣa we na yẹn dọna we dọ: Mìwlẹ dona yin vivọji blo.
8 Jẹhọn nọ yìn hlan fihe jlo e, bọ hiẹ nọ sè nudidọ etọn, ṣigba hiẹ ma yọ́n fihe e wá sọn po fihe e jei po. Mọ wẹ e te na mẹdepope he ko yin jiji gbọn gbigbọ dali.”+
9 Nikodẹmi gblọnna ẹn dọmọ: “Nawẹ onú ehelẹ sọgan jọ gbọn?”
10 Jesu sọ gblọn dọmọ: “Hiẹ yin mẹplọntọ de na Islaeli ṣogan bo ma yọ́n onú ehelẹ wẹ ya?
11 Nugbonugbo wẹ yẹn dọna we dọ, nuhe mí yọnẹn wẹ mí to didọ podọ nuhe mí ko mọ go wẹ mí to kunnude gando, ṣigba mìwlẹ ma kẹalọyi kunnudide mítọn.
12 Eyin yẹn ko dọhona mì gando onú aigba tọn lẹ go ṣogan bọ mì ma yise, nawẹ mì na yise gbọn eyin yẹn dọhona mì gando onú olọn mẹ tọn lẹ go?
13 Humọ, mẹdepope ma ko hẹji yì olọn mẹ+ adavo ewọ he jẹte wá sọn olọn mẹ,+ yèdọ Visunnu gbẹtọ tọn.
14 Podọ kẹdẹdile Mose ze odàn lọ daga to danfafa ji do,+ mọ wẹ Visunnu gbẹtọ tọn dona yin zizedaga do,+
15 na mẹdepope he yise to ewọ mẹ nido sọgan tindo ogbẹ̀ madopodo.+
16 “Na Jiwheyẹwhe yiwanna aihọn lọ sọmọ bọ e namẹ Visunnu detọ́n dopo akàn etọn,+ na mẹdepope he do yise hia to ewọ mẹ ma nado yin vivasudo adavo nado tindo ogbẹ̀ madopodo.+
17 Na Jiwheyẹwhe ma do Visunnu etọn hlan aihọn mẹ, na ewọ nido dawhẹna aihọn gba, ṣigba na aihọn nido yin whinwhlẹngán gbọn ewọ gblamẹ.+
18 Mẹdepope he do yise hia to ewọ mẹ ma na yin whẹdana.+ Mẹdepope he ma do yise hia ko yin whẹdana dote, na e ma ko do yise hia to oyín Visunnu detọ́n dopo akàn Jiwheyẹwhe tọn mẹ wutu.+
19 Todin, dodonu whẹdida lọ tọn die: dọ hinhọ́n lọ wá aihọn mẹ,+ ṣigba gbẹtọ lẹ yiwanna zinvlu kakati nido yin hinhọ́n, na azọ́n yetọn lẹ yin ylankan wutu.
20 Na mẹdepope he nọ wà nuylankan lẹ nọ gbẹwanna hinhọ́n bo ma nọ wá hinhọ́n nù, na azọ́n etọn lẹ nikaa yin wiwọhẹ.*
21 Ṣigba, mẹdepope he nọ wà nuhe yin nugbo nọ wá hinhọ́n nù,+ na azọ́n etọn lẹ nido sọgan yin hinhẹn sọawuhia, dọ yé ko yin bibasi to kọndopọ mẹ hẹ ojlo Jiwheyẹwhe tọn.”
22 To ehe godo, Jesu po devi etọn lẹ po yì glètoho Jude tọn mẹ, ewọ sọ nọ finẹ hẹ yé na ojlẹ de bo to gbẹtọ lẹ baptizi.*+
23 Ṣigba, Johanu lọsu to gbẹtọ lẹ baptizi to Aenonu sẹpọ Salimi, na osin sù to finẹ wutu,+ gbẹtọ lẹ sọ to wiwá mapote bo to yinyin bibaptizi;+
24 na Johanu ma ko yin wiwle do gànpamẹ to ojlẹ enẹ mẹ.+
25 Todin, nudindọn de fọ́n to devi Johanu tọn lẹ po Ju de po ṣẹnṣẹn gando lẹ̀wé go.
26 Enẹwutu, yé wá Johanu dè bo dọna ẹn dọmọ: “Labi, dawe he wá dè we to Jọdani godo, mẹhe go hiẹ dekunnu gando lọ,+ pọ́n, ewọ to gbẹtọ lẹ baptizi, mẹlẹpo sọ to e dè yì.”
27 Johanu gblọn dọmọ: “Mẹde ma sọgan mọ onú dopo tata yí adavo e ko yin nina ẹn sọn olọn.
28 Mìlọsu lẹ dekunnu dọ yẹn ko nọ dọ dọ, ‘E ma yin yẹn wẹ Klisti lọ,+ ṣigba yè do mi hlan jẹnukọnna ewọ wẹ.’+
29 Mẹdepope he tindo asiyọyọ lọ wẹ asisunọ yọyọ lọ.+ Ṣigba, to whenue họntọn asisunọ yọyọ lọ tọn ṣite bo sè ohó etọn, e nọ tindo ayajẹ daho, na e ko sè ogbè asisunọ yọyọ lọ tọn wutu. Enẹwutu, ayajẹ ṣie ko yin hinhẹn gọ́.
30 Ewọ dona to jijideji, ṣigba yẹn dona to didepo.”
31 Ewọ he wá sọn aga+ klohu mẹhe pò lẹpo. Ewọ he wá sọn aigba ji, aigba ji wẹ e wá sọn bo nọ dọho gando onú aigba ji tọn lẹ go. Ewọ he wá sọn olọn mẹ klohu mẹhe pò lẹpo.+
32 Nuhe e ko mọ bo sè, enẹ go wẹ e to kunnude gando,+ ṣigba mẹdepope ma nọ kẹalọyi kunnudide etọn.+
33 Mẹdepope he kẹalọyi kunnudide etọn ko yise mlẹnmlẹn* dọ Jiwheyẹwhe yin nugbonọ.+
34 Na ewọ he Jiwheyẹwhe dohlan nọ dọ ohó Jiwheyẹwhe tọn lẹ,+ na E ma nọ tẹalọpò do namẹ gbigbọ etọn.*
35 Otọ́ yiwanna Visunnu lọ+ bo ko yí nulẹpo do alọ etọn mẹ.+
36 Mẹhe nọ do yise hia to Visunnu lọ mẹ tindo ogbẹ̀ madopodo;+ mẹhe nọ vẹtolina Visunnu lọ ma na mọ ogbẹ̀,+ ṣigba homẹgble Jiwheyẹwhe tọn nọ gbọṣi e ji.+
Nudọnamẹ Odò Tọn
^ Kavi vlavo, “yin jiji sọn aga.”
^ Kavi “didegbà.”
^ Kavi “ko dohia.”
^ Kavi “ma nọ jlẹ gbigbọ etọn do namẹ.”
