KANBIỌ 2
Nawẹ Hiẹ Sọgan Plọnnu Gando Jiwheyẹwhe go Gbọn?
“A doalọtena hodidọ gando owe Osẹ́n lọ tọn ehe go blo, podọ hiẹ dona nọ yí ogbè dẹẹdẹ do hia ẹ to okle po ozán po, na hiẹ nido sọgan yí sọwhiwhe do yìn nuhe yin kinkan do e mẹ lẹpo; na whenẹnu wẹ hiẹ na yin kọdetọn dagbenọ to gbẹzan towe mẹ podọ whenẹnu wẹ hiẹ na nọ yinuwa po nuyọnẹn po.”
“Yé . . . zindonukọn bo to owe lọ, enẹ wẹ Osẹ́n Jiwheyẹwhe nugbo lọ tọn hia bosọ to zẹẹmẹ basi do e ji bo nọ hẹn ẹn họnwun; yé gbọnmọ dali gọalọna mẹlọ lẹ nado mọnukunnujẹ nuhe to yinyin hihia lọ mẹ.”
“Ayajẹnọ wẹ mẹhe ma nọ zinzọnlin sọgbe hẹ ayinamẹ mẹylankan lẹ tọn . . . , ṣigba, osẹ́n Jehovah tọn mẹ wẹ e nọ mọ awuvivi te, bo nọ yí ogbè dẹẹdẹ do to osẹ́n Etọn hia to okle po ozán po. . . . Nudepope he ewọ wà na nọ tindo kọdetọn dagbe.”
“Filipi họ̀nwezun plá ẹ bo sè bọ e to owe yẹwhegán Isaia tọn hia daga, ewọ sọ dọmọ: ‘Na nugbo tọn, be hiẹ mọnukunnujẹ nuhe hia a te mẹ ya?’ E dọmọ: ‘Na taun tọn, nawẹ yẹn sọgan wàmọ do, adavo mẹde deanana mi?’”
“Jẹhẹnu mayinukundomọ etọn lẹ to yinyin mimọ hezeheze sọn whenue gbọ́n aihọn ko yin didá, na yé yin ayidego gbọn nuhe yin bibasi lẹ dali, yèdọ huhlọn madopodo po Jiwheyẹwhe-yinyin etọn po, sọmọ bọ yé ma tindo whẹjijọ.”
“Nọ lẹnnupọndo onú ehelẹ ji; jo dewe na yé, na nukọnyiyi towe nido họnwun hezeheze na gbẹtọ lẹpo.”
“Mì gbọ mí ni nọ na ayidonugo ode awetọ nado nọ whàn mídelẹ hlan owanyi po azọ́n dagbe lẹ po kọ̀n, e ma yin nado nọ gbẹkọ pipli dopọ mítọn lẹ go.”
“Eyin depope to mì mẹ gbọagba nuyọnẹn tọn, gbọ e ni nọ to bibiọ Jiwheyẹwhe zọnmii, na ewọ nọ yí alọtútlú do na mẹlẹpo matin whẹgbledomẹ, podọ e na yin nina ẹn.”
