KANBIỌ 5
Owẹ̀n Tẹwẹ Biblu Bẹhẹn?
“Yẹn [na] yí okẹ̀n do hiẹ po yọnnu lọ po ṣẹnṣẹn podọ do kúnkan towe po kúnkan etọn po ṣẹnṣẹn. Ewọ na só ota towe podọ hiẹ na hẹ̀nadu afọgbẹn etọn.”
“Akọta aigba ji tọn lẹpo na mọ dona de yí na yede gbọn kúnkan towe gblamẹ na hiẹ ko dotoaina ogbè ṣie.”
“Na Ahọluduta towe ni wá. Na ojlo towe ni yin wiwà, kẹdẹdi to olọn mẹ, mọdopolọ to aigba ji.”
“Podọ Jiwheyẹwhe he nọ namẹ jijọho na gídí Satani to afọ mìtọn lẹ glọ to madẹnmẹ.”
“To whenue nulẹpo na ko yin hinhẹn zun mẹmẹglọ na ẹn godo, to whenẹnu Visunnu lọ lọsu ga na hẹn ede zun mẹmẹglọ na Mẹlọ he hẹn nulẹpo zun mẹmẹglọ na ẹn, na Jiwheyẹwhe nido yin nulẹpo na mẹlẹpo.”
“Todin, opagbe lọ lẹ yin dido na Ablaham podọ na kúnkan etọn . . . , he yin Klisti. Humọ, eyin mìwlẹ yin Klisti tọn, be na taun tọn, kúnkan Ablaham tọn wẹ mì yin.”
“Ahọluduta aihọn tọn ko lẹzun Ahọluduta Oklunọ mítọn tọn po Klisti etọn tọn po, ewọ nasọ duahọlu kakadoi podọ doidoi.”
“Enẹwutu, dlagọni daho lọ yin dindlan do odò, yèdọ odàn hoho lọ, he nọ yin yiylọdọ Lẹgba podọ Satani, he nọ to aigba fininọ lẹpo klọ; ewọ yin dindlan do aigba ji, podọ angẹli etọn lẹ yin dindlan do odò po e po.”
“E sọ wle dlagọni lọ, yèdọ odàn hoho lọ, he nọ yin Lẹgba podọ Satani, bo blá ẹ họ̀ owhe 1 000.”
