“Mose . . . wlan ohó Jehovah tọn lẹpo dai.”

Eksọdusi 24:4

“Daniẹli kudlọ de bọ numimọ lẹ wá tamẹ na ẹn dile e to aimimlọn to adọzan etọn ji. E sọ wlan odlọ lọ dai; e basi kandai nuhe e mọ lọ lẹpo tọn to gigọ́ mẹ.”

Daniẹli 7:1

“To whenue mì kẹalọyi ohó Jiwheyẹwhe tọn he mì sè sọn mí dè, mì kẹalọyi i, e ma yin taidi ohó gbẹtọ tọn gba, ṣigba kẹdẹdile e te do nugbonugbo, yèdọ taidi ohó Jiwheyẹwhe tọn.”

1 Tẹsalonikanu lẹ 2:13

“Owe-wiwe lẹpo wẹ yin gbigbọdo sọn Jiwheyẹwhe dè bo yin alenu na mẹpinplọn.”

2 Timoti 3:16

“Dọdai ma ko gbọn ojlo gbẹtọ tọn dali wá to ojlẹ depope mẹ gba, ṣigba gbẹtọ lẹ dọho sọn Jiwheyẹwhe dè dile yé yin anadena gbọn gbigbọ wiwe dali do.”

2 Pita 1:21