Talinhaga 10:1-32
10 Mga talinhaga ni Solomon.+
An aking madunong nagpapaugma sa saiyang ama,+Pero an aking mangmang kamunduan kan saiyang ina.
2 An kayamanan na nakua paagi sa karatan magigin daing pakinabang,Pero an katanusan iyo an nagliligtas sa kagadanan.+
3 Dai papabayaan ni Jehova na magutom an saro* na matanos,+Pero dai niya itatao sa mga maraot an saindang minamawot.
4 An hugakon na mga kamot maresulta sa kadukhaan,+Pero an mahigos na mga kamot nagdadara nin kayamanan.+
5 An aki na minahirong may pakasabot nagtitipon kan inani sa panahon nin tig-init,Pero an aki na minahirong makasusupog nagtuturog nin nanok sa panahon nin pag-ani.+
6 An mga bendisyon nakapatong sa payo kan sarong matanos,+Pero an nguso kan mga maraot itinatago an kadahasan.
7 An mga nagigirumduman sa* saro na matanos maninigong umawon,*+Pero an pangaran kan mga maraot malalapa.+
8 An tawong may pusong madunong aakuon an mga instruksiyon,*+Pero an saro na nagtataram nin may kamangmangan titimak-timakan.+
9 An saro na naglalakaw na may integridad maglalakaw sa katiwasayan,+Pero an saro na ginigibong tiko an saiyang mga dalan mahahayag.+
10 An saro na tusong nagkikimlat* kan saiyang mata nagdadara nin kamunduan,+Asin an saro na nagtataram nin may kamangmangan titimak-timakan.+
11 An nguso kan sarong matanos burabod nin buhay,+Pero an nguso kan mga maraot itinatago an kadahasan.+
12 Pagkaungis an minapukaw* nin mga iriwal,Pero pagkamuot an nagtatahob sa gabos na pagkakasala.*+
13 An kadunungan manunumpungan sa mga ngabil kan tawong may pakasabot,+Pero an pamakol nakatagama para sa likod nin saro na mayo nin marahay na pagmansay.*+
14 An mga madunong nagpapahalagang marhay sa* kaaraman,+Pero an nguso kan mangmang nag-aagda nin kapahamakan.+
15 An kayamanan* kan tawong mayaman iyo an saiyang siyudad na may matibay na depensa.
An kapahamakan kan mga dukha iyo an saindang kadukhaan.+
16 An ginigibo kan matanos pasiring sa buhay;Pero an ani kan maraot pasiring sa kasalan.+
17 An saro na naghihimati sa disiplina sarong dalan pasiring sa buhay,*Pero an saro na nagbabaliwala sa pagsagwi ilinalagalag an iba.
18 An saro na nagtatago kan saiyang pagkaungis nagtataram nin mga kaputikan,+Asin an saro na nagpapalakop nin nagpapakaraot na mga bareta* mangmang.
19 Pag kadakul kan pigtataram, dai makakalikay sa paglapas,+Pero an siisay man na nagpupugol kan saiyang mga ngabil naghihirong may pakamansay.+
20 An dila kan matanos arog sa pinakamarahay na klaseng plata,+Pero an puso kan maraot kakadikit an halaga.
21 An mga ngabil kan matanos nagsusustenir* sa dakul,+Pero an mga mangmang nagkakagaradan dahil sa kawaran nin pagmansay.+
22 An bendisyon ni Jehova iyo an nagpapayaman sa saro,+Asin dai Niya iyan dinadagdagan nin kulog.*
23 An paggawing makasusupog garo kawat-kawat lang sa paghiling kan mangmang,Pero an kadunungan para sa tawong may pakasabot.+
24 An kinakatakutan kan sarong maraot maabot sa saiya;Pero an minamawot kan mga matanos itatao sa sainda.+
25 Pag mag-agi an bagyo, an maraot mawawara na,+Pero an matanos sarong pundasyon sagkod lamang.+
26 Siring sa sukà sa mga ngipon asin aso sa mga mata,Arog man kaiyan an tawong hugakon sa nagsusugo sa saiya.*
27 An pagkaigwa nin pagkatakot ki Jehova nagpapahalawig nin buhay,+Pero an mga taon kan mga maraot papahaliputon.+
28 An inaantisipar* kan mga matanos nakakapaugma,+Pero an paglaom kan mga maraot mapapara.+
29 An dalan ni Jehova sarong masarig na depensa* para sa daing katuyawan,+Pero nangangahulugan iyan nin kalaglagan para sa mga paragibo nin karatan.+
30 An sarong matanos dai nuarin man mapapatumba,+Pero an mga maraot dai na maistar sa daga.+
31 An nguso kan matanos nagpapaluwas* nin kadunungan;Pero an maraot na dila puputulon.
32 An mga ngabil kan matanos aram kun ano an kawili-wili,Pero an nguso kan mga maraot maraot.
Mga Nota
^ O “an kalag kan saro.”
^ O “An reputasyon kan.”
^ Sa literal, “maninigo sa bendisyon.”
^ Sa literal, “tugon.”
^ O “nagkikindat; nagkikiyat.”
^ O “minapagrabe.”
^ O “paglapas.”
^ O “kulang nin marahay na pagmansay.” Sa literal, “mayong (tikapo an) puso.”
^ O “nag-iingat nin.”
^ O “mahalagang pagsadiri.”
^ O posibleng “yaon sa dalan pasiring sa buhay.”
^ O “huring-huding.”
^ O “naggigiya.”
^ O “kamunduan; kasakitan.”
^ O “an tawong hugakon sa saiyang amo.”
^ O “paglaom.”
^ O “sarong kuta.”
^ O “nagpapaluwas kan bunga.”
