HAPOT 5
Ano an Mensahe kan Bibliya?
“Papangyarihon kong magkaigwa nin pag-iiwal sa pag-ultanan mo saka kan babayi asin sa pag-ultanan kan saimong gikan saka kan saiyang gikan. Rurunuton niya an saimong payo, asin lulugadon mo siya sa buol.”
“Paagi sa saimong gikan, an gabos na nasyon sa daga magkakamit nin bendisyon huling nagdangog ka sa sako.”
“Dumatong lugod an Kahadian mo. Mangyari lugod an kabutan mo, kun paano sa langit, siring man sa daga.”
“Sa parte man kan Diyos na nagtatao nin katuninungan, rurunuton niya si Satanas sa irarom kan saindong mga bitis sa dai na mahahaloy.”
“Pag an gabos na bagay naipasairarom na sa saiya, dangan an Aki mismo ipapasairarom man an saiyang sadiri sa Saro na nagpasairarom kan gabos na bagay sa saiya, tanganing an Diyos an magin gabos na bagay sa lambang saro.”
“Ngunyan, an mga panuga itinaram ki Abraham asin sa saiyang gikan . . . , si Cristo. Dugang pa, kun ki Cristo kamo, talagang mga gikan kamo ni Abraham.”
“An kahadian kan kinaban nagin nang Kahadian kan satuyang Kagurangnan saka kan saiyang Cristo, asin mamamahala siya bilang hadi sagkod nuarin pa man.”
“Kaya ihinulog an dakulang dragon, an gurangan na halas, an inaapod na Diyablo asin Satanas, na nanglalagalag sa bilog na daga; ihinulog siya sa daga, asin an saiyang mga anghel ihinulog kaibanan niya.”
“Dinakop niya an dragon, an gurangan na halas, na iyo an Diyablo asin Satanas, asin ginapos niya siya sa laog nin 1,000 taon.”
