HAPOT 16
Paano Mo Makakayanan an mga Kahaditan?
“Ipasa mo ki Jehova an saimong pasan, asin aalalayan ka niya. Dai niya nuarin man tutugutan na matumba an saro na matanos.”
“An mga plano kan mahigos siguradong magigin mapanggana, pero an gabos na pabigla-bigla siguradong pasiring sa pagigin dukha.”
“Dai ka matakot, ta kaibanan mo ako. Dai ka maghadit, ta ako an saimong Diyos. Papakusugon taka, iyo, tatabangan taka, talagang kakaputan taka kan sakong tuong kamot nin katanusan.”
“Siisay sa saindo an makakadagdag nin maski dikit sa lawig kan saiyang buhay paagi sa paghadit?”
“Kaya dai kamo nuarin man maghadit manungod sa masunod na aldaw, huli ta an masunod na aldaw magkakaigwa kan sadiri kaiyan na mga kahaditan. Tama na sa kada aldaw an sadiri kaiyan na mga problema.”
“[Siyertuhon] nindo kun ano an mas importanteng mga bagay.”
“Dai kamo mahadit sa ano man na bagay, kundi sa gabos na bagay paagi sa pamibi asin pagngayo-ngayo na may kaibang pasasalamat, ipaaram nindo sa Diyos an saindong mga kahagadan; asin an katuninungan nin Diyos na nakakalabi sa gabos na pakasabot iyo an magbabantay sa saindong puso asin kaisipan paagi ki Cristo Jesus.”
