Pagkatapos kan 4026 B.C.E.

Kinuwestiyon kan “halas” an deretso ni Jehova na mamahala asin an paagi niya nin pamamahala. Nanuga si Jehova na pag-abot nin panahon may ibabangon siyang “gikan,” o “banhi,” na marunot sa halas na si Satanas. (Genesis 3:1-5, 15, nota) Pero, tinawan ni Jehova nin panahon an mga tawo na pamahalaan an saindang sadiri sa irarom kan impluwensiya kan halas.

1943 B.C.E.

Sinabi ni Jehova ki Abraham na magikan sa saiya an ipinanugang “gikan.”—Genesis 22:18.

Pagkatapos kan 1070 B.C.E.

Sinigurado ni Jehova ki Hading David tapos sa aki kaining si Solomon na sa saindang pamilya magikan an ipinanugang “gikan.”—2 Samuel 7:12, 16; 1 Hadi 9:​3-5; Isaias 9:6, 7.

29 C.E.

Ipinamidbid ni Jehova si Jesus bilang an ipinanugang “gikan” na iyo an Tagapagmana kan trono ni David.—Galacia 3:16; Lucas 1:31-33; 3:21, 22.

 33 C.E.

An ipinanugang “gikan” temporaryong nalugadan kan halas, si Satanas, kan gadanon si Jesus. Binuhay liwat ni Jehova si Jesus pasiring sa langit, asin inako niya an halaga kan perpektong buhay ni Jesus, na nagserbing basehan tanganing mapatawad an mga kasalan asin matawan nin buhay na daing katapusan an mga naggikan ki Adan.—Genesis 3:15; Gibo 2:32-36; 1 Corinto 15:21, 22.

Mga 1914 C.E.

Ihinulog ni Jesus an halas, si Satanas, digdi sa daga, asin dai siya makakahali digdi sa laog nin halipot na panahon.—Kapahayagan 12:7-9, 12.

Sa maabot na panahon

Ikukulong ni Jesus si Satanas sa laog nin 1,000 taon; dangan lalaglagon niya ini, na iyo an pagrunot sa payo kaini sa simbolikong paagi. Mauutob an orihinal na katuyuhan ni Jehova para sa daga asin sa katawuhan, mahahali an katuyawan sa saiyang pangaran, asin mabibindikar an saiyang paagi nin pamamahala.—Kapahayagan 20:1-3, 10; 21:3, 4.