YIGIL 11
Lelaa matiñ ma Bibel ma nla lona bés bisai?
1. Inyuki mut binam a gwé ngôñ le ba éga nye?
Nheg wés a gwé pék iloo bés. A ntôñ toi bés kii Isañ nu gwéha. A bi heg bé to bés le di niñ ni bés bomede. (Yérémia 10:23) Jon di gwé ngôn le a éga bés kii hipéda mange i gwé ngôñ le bagwal bé ba éba nye njel. (Yésaya 48:17, 18) Matiñ ma Bibel ma éga niñ yés. Ma yé likébla li nlôl ni Djob.—Añ 2 Timôtéô 3:16.
Mambén ni matiñ ma Yéhôva ma niiga bés lelaa di nla niñ ikété masé hanano. Ma ñunda ki bés lelaa di nla kôhna niñ boga. Kii Djob nyen a bi heg bés, di neebe ni bésbomede le a éga bés.—Añ Tjémbi 19:8, 12; Masoola 4:11.
2. Kii ba nsébél le matiñ ma Bibel?
Matiñ ma Bibel ma yé maliga mut a nlama noñ. Ngim mangéda ba nla héñha mbén, ndi matiñ ma héñha bé kekikel. (Ndiimba Mbén 22:8) Di nlama gwélél pék i bagal mam inyu yi imbe ngéda di nlama gwélél ngim litiñ. (Bingéngén 2:10-12) Kii héga, Bibel i niiga bés le niñ i yé likébla li Djob. Litiñ lini li nlama éga bés ngéda di yé homa bôlô, i ndap ni ngéda di nke liké. Li nhôla bés i yoñ matat.—Añ Minson mi baôma 17:28.
3. Mambe matiñ ima ma nlôôha ba nseñ?
Yésu a bi sima matiñ ima ma nlôôha ba nseñ. Litiñ li bisu li yé le di yi Djob, di gwés nye, di bôñôl ki nye. Inyu hala nyen Djob a bi heg mut binam. Di nlama noñ litiñ lini hiki ngéda di yoñ makidik. (Bingéngén 3:6) Bet ba nyoñ litiñ lini ñem, ba yé mawanda ma Djob, ba niñ ikété masé, ba ga kôhna ki niñ i boga.—Añ Matéô 22:36-38.
1 Korintô 13:4-7) Mut a noñ litiñ lini a nigle Djob inyule a ntôñ bôt.—Añ Matéô 7:12; 22:39, 40.
Litiñ li nyônôs iba li ñéga bés i bana maada malam ni bôt bape. (4. Lelaa matiñ ma Bibel ma nla lôna bés bisai?
Matiñ ma Bibel ma niiga bôt ba ndap lihaa lelaa gwéha i nla at bo. (Kôlôsé 3:12-14) Bibel i nhôla bôt ba ndap lihaa i bana maada malam inyule i niiga le libii li nlama ba inyu niñ yosô.—Añ Bibôdle 2:24.
Ngéda di noñ matiñ ma Bibel, hala a nhôla bés i yi gwélél bigwel moo gwés. Ma nhôla ki bés i tééda kiñ ñem yés loñge. Kii héga, mut bôlô nu a noñ matiñ ma Bibel a nyeñgep bé, a yé ki maliga. Inyu hala nyen ñwet bôlô a mbéna gwés nya bôt i. (Bingéngén 10:4, 26; Lôk Héber 13:18) Bañga i Djob i nhôla ki bés i ba masé ni gwom di gwé, ni i gwés maada més ni Djob iloo bigwel moo.—Añ Matéô 6:24, 25, 33; 1 Timôtéô 6:8-10.
Ngéda di noñ matiñ ma Bibel, hala a nhôla bés i yén mbôô. (Bingéngén 14:30; 22:24, 25) Kii héga, lihiua li nlona makon ma nola, ni bikuu bibe. Ibale di nkengle lihiua kii Bibel i nkal, di ntat mbôô wés. (Bingéngén 23:20) Yéhôva a nsôñga bé le di nyo maok, ndi di nlama nyo ni lihéga. (Tjémbi 104:15; 1 Korintô 6:10) Matiñ ma Djob ma nkal le di tat maboñog més, ndi ma nti yak bés makénd i jôs mahoñol mabe. (Tjémbi 119:97-100) Bañga Bikristen bi noñ ndik bé biniigana bi Djob inyu ba masé. Ndi, ba mboñ hala inyu ti jôl li Yéhôva lipém.—Añ Matéô 5:14-16.