YIGIL 7
Kii yé Ane Djob?
1. Kii yé Ane Djob?
Kii mboñ le Yésu a yé loñge Kiñe?—MARKÔ 1:40-42.
Ane Djob i yé ngim énél i yé i ngii. Djob a ga gwélél ane yé inyu tjé biane bi bôt ba binam, ni i boñ sômbôl yé i ngii ni hana isi. Baa hala a ta bé ñañ nlam? Ndég ngéda, Ane Djob y’a yônôs ngôñ i bôt ba binam inyu loñge énél. I ga at ki bôt ba binam ba ba niñ hana isi.—Añ Daniel 2:44; Matéô 6:9, 10; 24:14.
Hiki ane i nlama bana kiñe. Yéhôva a bi téé Man wé Yésu Kristô le a ba Kiñe i Ane Yé.—Añ Masoola 11:15.
Béñge vidéô Kii i yé Ane Djob?
2. Inyuki Yésu a yé loñge Kiñe?
Man Djob a yé loñge Kiñe inyule a gwé ñem nlam, a téé ki sép. (Matéô 11:28-30) A yé ki mpémba nya i kôli inyule a ga hôla bôt hana isi, tolaki a bane ngii, a énlak ki bo. Mbus bitugne gwé, a bi bet i ngii, a yén i woo walôm u Yéhôva, i bem ngim ngéda. (Lôk Héber 10:12, 13) Mbus hala, Yéhôva a bi ti nye ngui le a bôdôl énél.—Añ Daniel 7:13, 14.
3. Njee a ga énél ni Yésu?
Yésu a ga énél i ngii ni ndég bôt. Ba nsébél bo le “bapubhaga.” (Daniel 7:27) Bapubhaga ba bisu ba bé baôma ba Yésu ba ba bi téñbe ni ñem wap u telepsép. Letee ni len ini, Yéhôva a bi kônde tep bôlôm ni bôda ba ba yé telepsép i ba bapubhaga. Ndik Kii Yésu, ba ga tuglana ni manyu ma mbuu.—Añ Yôhanes 14:1-3; 1 Korintô 15:42-44.
Bôt bañen ba ga ke ngii? Yésu a bi sébél bo le “bémba titigi.” (Lukas 12:32) Ba ga ba 144 000 bôt. Bon ba ga énél nkoñ isi ni Yésu.—Añ Masoola 14:1.
4. Kii bi tagbe ngéda Yésu a bi bôdôl énél?
Ane Djob i bi bôdôl énél i ñwii 1914. * Jam li bisu Yésu a bi boñ kiki Kiñe, li bé le a leñ Satan ni mimbuu mimbe hana isi. Satan a bôdôl nyai ngandak, a lona ki mandutu makeñi i nkoñ isi wonsôna. (Masoola 12:7-10, 12) I bôdôl ha nyen njôghe i bôt ba binam i bi nai. Gwét, njal, dimala, ni nyeñk disi, bi ñunda le di njôp i “yimbne” i masuk ma ngéda. Jon ndég ngéda, Ane Djob y’a yoñ mam ma nkoñ isi i moo.—Añ Lukas 21:7, 10, 11, 31.
5. Kii Ane Djob i yé boñ?
Ni njel ñañ nlam ikété nkoñ isi wonsôna, Ane Djob i yé kot limut li bôt likeñi ikété matén momasôna. Didun di bôt ba suhul nyu ba neebe i ba isi énél i Yésu. Ane Djob i ga sôñ bo ngéda i ga tjé hiai hibe hi yé hana isi. Ba bobasôna ba nyéñ kôs bisai bi Ane Djob, ba nlama nigil i nôgôl Yésu ni neebe i niñ isi énél yé.—Añ Masoola 7:9, 14, 16, 17.
I Ane i 1000 ñwii, bitééne Djob a bééna i bibôdle inyu bôt ba binam bi ga yon. Hisi hiosôna y’a ke yila paradis. Mbus, Yésu a ga timbis Ane i moo ma Isañ. (1 Korintô 15:24-26) Baa u nyi ngim mut w’a ba masé i kwélés nye inyu Ane Djob?—Añ Tjémbi 37:10, 11, 29.
^ liboñ 6 Inyu biniigana bipe i yi lelaa Bibel i bi bôk pot inyu ñwii 1914, béñge mapep 217-220 ikété kaat le Kii Bibel i niiga bés?
