Yérémia 10:1-25
10 Emblana kiki Yéhôva a mpémés mbagi kogse, a ndap Israel.
2 Haana nyen Yéhôva a nkal:
“Ni noñ bañ maboñok ma bôt ba matén,+ni kon bañ to biyimbne bi ngii woñi,inyule bôt ba matén ba nkon gwo woñi.+
3 Inyule maboñok ma bôt ba matén ma yé ndigi malôga.
Ba nke i lipan, ba kek e,mut likeñge a ngwel sélél* ni moo mé, a tjo i e i.+
4 Ba nlémés yo ni silba lôñni gôl,+ba ngwélél hama ni batone inyu tômôl yo le i kwo bañ.+
5 I bisat bi mpot bé,+ bi yé kiki matumbi* ma ma yé i wom ngond;*ba mbegee gwo inyule bi nla bé liké.+
Ni kon bañ gwo woñi inyule bi nla bé boñ bé béba,bi nla bé to boñ bé loñge.”+
6 A Yéhôva,+ mut nye ki nye a ta bé kiki we.
U yé nunkeñi, yak jôl joñ li yé likeñi, li gwé ki lipémba.
7 Baa di nlama bé kon we woñi, a Kiñe biloñ?+ Ñ, u kôli le ba kon we woñi;ikété bôt ba pék ba biloñ gwobisôna ni biane gwobisôna,mut to wada a ta bé kiki we.+
8 Bobasôna ba yé bijôñ bi bôt,+ bi bi nhek bé to pék.
Ba neebe le e i niiga bo, kinje biyômôk!+
9 Dibambha di silba di nlôl i Tarsis,+ gôl i lôlak i Ufas,inyu nson u mut likeñge, ni moo ma ñôô bikei.
Mambot map ma yé nkôôñak ni bôñgô i i yé mangoñ* lôñni bôñgô i mahuu ma ntômba i i yé wedewede.*
I bisat bi gwobisôna, bôt ba nyi bôlô bon ba mbañ gwo.
10 Ndi Yéhôva a yé bañga Nyambe.
A yé Nyambe nu a niñ,+ ni Kiñe i boga.+
Ibale a ñunup, hisi hi nyeñg,+loñ to yada i nla bé nihbe liyot jé.
11 * Haana nyen u nlama kal bo:
“Banyambe ba ba bi hek bé ngii to hisi,ba ga tjiba munu hisi, ni isi hiañgaa.”+
12 Nyen a bi hek hisi ni ngui yé,ni pék yé, a kôôba hisi le hi ti bijek,+ni yi yé, a sambal ngii.+
13 I ngéda a mpot,malép ma ngii ma nyiñgha,+a mbédés ond* i i nlôl i makas ma hisi momasôna.+
A ñep banwegnwek ni nop i nlélém ngéda,*a mpémhene mbebi mu mandugi mé.+
14 Bôt bobasôna ba mboñ bijôñ bi mam, ba gwé bé yi yo ki yo.
Hiki ñôô bikei a ga wo nyuu inyu ntjok ôñgba a mbañ;+inyule ñôôk ôñgba* u yé malôga,to hép u nhép bé.+
15 I bisat bi, bi yé ndigi yañga, bôt ba kôli nol gwo hiol.+
I hilo hiap hi bikééhene, bi ga tjiba.
16 Nu a yé ngaba Yakôb a ta bé kiki gwom bi,inyule nyen a bi hek gwom gwobisôna,Israel a yé ntoñgo u ngababum yé.+
Jôl jé le Yéhôva nu mintôñ mi gwét.+
17 Begee mbegee* yoñ i i yé ’isi,a muda nu ba nkéña.
18 Inyule haana nyen Yéhôva a nkal:
“I lisañga lini, me ga luhul bôt ba loñ,+me ga nôgha bo ndutu.”
19 Ngoo ni me, inyule me nkon!*+
Mbabaa yem i mal bé.
Me nkal ki le: “Ibabé pééna, kon wem u, me nlama hônba wo.
20 Ndap yem libadô i nkwo, yak minkôô mi ndap yem mi nkidi.+
Bon bem ba nyék me, ba ta ha bé.+
Mut nye ki nye a ta ha bé inyu oñ lap yem, to inyu téé ndap yem libadô.
21 Batat bémba ba mboñ mam kiki bijôñ bi bôt,+ba mbat bé to mahoñol ma Yéhôva.+
Inyu hala nyen ba mboñ bé mam ni yi,jon bilém gwap gwobisôna bi nsanda.”+
22 Emble! Ngim ñañ i yé njel! I yé i lo!
Mbimba ikeñi i nlôl i ñombok,+inyu yilha bitison bi Yuda hôlô, hôk i dibaa di njéé.+
23 A Yéhôva, me nyi loñge le mut binam nyemede a nla bé yi imbe njel a kil.
Me nyi ki le mut binam a nla bé éga nyemede.+
24 A Yéhôva, kodol me inoñnaga ni telepsép yoñ,ndi ha ikété hiun bé,+ tiga le u tjé me tjagda.+
25 Matén ma ma nyi bé we,+ kôp mo hiun hioñ,yak mahaa ma ma nlôndôl bé jôl joñ.
Inyule ba bi tjé Yakôb,+ñ, ba bi tjé nye kayéle yom yo ki yo i bi yégle bé,+ba yék loñ yé hôlô.+
Ndoñi
^ Tole “kwade.”
^ Tole “bibai.” Yon ba nsébél ni hop Pulasi le épouvantail.
^ Ntén ngond unu won ba nsébél ni hop Pulasi le concombre.
^ Ni hop Pulasi le bleu.
^ Ni hop Pulasi le pourpre.
^ Nlôñ 11 u bé ndugi ntilga ni hop Araméa.
^ I nla ki ba, “A nyible nop njel.”
^ Tole “manwee.”
^ Tole “ôñgba ba mboñ ni kei le ba nyimbi.”
^ Tole “mabômba, mapunja.”
^ Tole “me mbugi.”