Salamo 83:1-18
Himene. Salamo a Asapha.+
83 E te Atua e, eiaha e mamû.+E te Atua Manahope e, eiaha e mamû aore ra e tia a mataitai noa ˈi.
2 Inaha, te arepurepu ra to oe mau enemi.+Te haa ra te feia o te hae ra ia oe ma te teoteo.*
3 Ma te ravea haavarevare, te opua ra ratou i te tahi ohipa i nia i to nunaa ma te huna.Te opua nei ratou i te mea ino i nia i te feia ta oe e poihere ra.*
4 Te parau ra ratou: “Haere mai, e haamou anaˈe i to ratou nunaa+Ia ore roa ˈtu te iˈoa o Iseraela ia haamanaˈohia.”
5 Te feruri ra ratou paatoa i te hoê ravea,Ua faaau ratou i te hoê faufaa no te patoi ia oe,+
6 Te ati Edoma, te ati Isemaela, o Moabi+ e te ati Hagiri,+
7 Gebala e Amona+ e Amaleka,Philisetia+ e to Turia.+
8 Ua apiti atoa o Asura+ ia ratou.Te turu nei ratou i* te mau tamaiti a Lota.+ (Sela)
9 A rave i nia ia ratou mai ta oe i rave i nia ia Midiana,+Mai ta oe i rave i nia ia Sisera e Iabina i te anavai o Kisona.+
10 Ua haamouhia ratou i Ene-dora.+Ua riro ratou ei pera i raro i te repo.
11 A faariro i to ratou huimana mai ia Oreba e ia Zeeba+E to ratou huiarii* mai ia Zeba e ia Zalamuna,+
12 Ua parau hoi ratou: “E rave anaˈe i te fenua i reira te Atua e parahi ai.”
13 To ˈu Atua, a faariro ia ratou mai te hoê raau taratara e taviriviri,+Mai te aihere mǎrô afaihia e te mataˈi.
14 Mai te uru raau e pau i te hoê auahi,Mai te mau mouˈa e ura i te hoê auahi,+
15 E aˈuaˈu oe ia ratou i ta oe vero+A faariaria ˈtu ai ia ratou i ta oe mataˈi rorofai.+
16 A tapoˈi* i to ratou hohoˈa mata i te haama,Ia imi ratou i to iˈoa, e Iehova.
17 Ia haama ratou e ia riaria e a muri noa ˈtu.Ia haama ratou e ia pohe.
18 Ia ite te taata atoa e o Iehova to oe iˈoa,+O oe anaˈe Tei Teitei Roa ˈˈe i nia i te fenua taatoa.+
Nota i raro i te api
^ Aore ra “Te faateitei ra te feia o te hae ra ia oe i to ratou upoo.”
^ Heb: “tei tapunihia e oe ra.”
^ Heb: “Ua riro ratou ei rima no.”
^ Aore ra “mau aratai.”
^ Heb: “faaî.”
