Salamo 36:1-12
Na te aratai o te feia himene. Salamo a te tavini a Iehova o Davida.
36 Te paraparau nei te hapa i te aau o te taata ino.Aita oia e mǎtaˈu ra i te Atua.+
2 Ua rahi roa hoi ta ˈna faatietie ia ˈna ihoAita ˈtura oia e ite faahou ra i ta ˈna hapa a hae atu ai i te reira.+
3 E haavare e mea mauiui te mau parau a to ˈna vaha.Aita to ˈna e haroˈaroˈa no te rave i te mea maitai.
4 Te feruri ra oia i te opuaraa ino i nia atoa i to ˈna roˈi.
Te tia ra oia i nia i te hoê eˈa e ere i te mea maitai.Aita oia e patoi ra i te mea ino.
5 E Iehova, ua tae roa to here taiva ore i nia i te raˈi,+To haapao maitai, i nia i te mau ata.
6 E au to parau-tia i te mouˈa rarahi.*+E au ta oe mau haavaraa i te pape aano e te hohonu.+
Te paruru* nei oe i te taata e te animara, e Iehova.+
7 E faufaa rahi to to here taiva ore, e te Atua e!+
I raro aˈe i te marumaru o to pererau, te imi ra te mau tamaiti a te taata nei i te haapuraa.+
8 Te inu ra ratou i te mea maitai roa ˈˈe* e vai ra i roto i to fare a mâha ˈtu ai to ratou poihâ,+E te faainu ra oe ia ratou i te anavai o ta oe mau mea maitatai.+
9 Tei ia oe ra te ora.+Maoti to maramarama e ite ai matou i te maramarama.+
10 A tamau i te faaite i to here taiva ore i tei ite o vai oe,+E to parau-tia i te feia aau tia.+
11 Eiaha te avae o te taata teoteo ia taahi ia ˈuAore ra te rima o te feia ino ia tiahi ia ˈu.
12 I reira, ua hiˈa te feia ohipa ino.Ua hurihia ratou i raro e eita e haere ia ratou ia tia i nia.+