Salamo 77:1-20
Na te aratai o te feia himene, na Iedutuna.* Salamo a Asapha.+
77 E tiaoro vau i te Atua i to ˈu reo.E tiaoro vau i te Atua e e faaroo mai oia ia ˈu.+
2 I te mahana e ahoaho ai au, e imi au ia Iehova.+
I te po, eita vau e faaea i te haamahora i to ˈu rima ia ˈna ra.
Eita e nehenehe e tamahanahana ia ˈu.
3 Ia haamanaˈo vau i te Atua, e autâ vau.+Te peapea ra vau e te pau ra to ˈu puai.+ (Sela)
4 Te faaaraara nei oe i to ˈu mata.Te horuhoru nei au e aita e haere ra ia ˈu ia paraparau.
5 Te feruri ra vau i te mau mahana i tahito ra,+Te mau matahiti i mutaa ihora.
6 I te po, e haamanaˈo vau i ta ˈu himene.+E feruri au i roto i to ˈu aau.+E imi maite au i te pahonoraa i teie mau uiraa:
7 E patoi noa anei Iehova ia tatou?+
Eita iho â anei oia e faaite faahou mai i ta ˈna farii maitai?+
8 Ua ore roa anei to ˈna here taiva ore?
Eita iho â anei te mau uˈi e ite i te tupuraa o ta ˈna i fafau?
9 Ua moˈe anei i te Atua i te faaite i ta ˈna farii maitai,+Aore ra no to ˈna riri i ore ai to ˈna aroha hamani maitai? (Sela)
10 Ia parau noa anei au: “Teie te mea e oto ai au:+
Ua taui Tei Teitei Roa ˈˈe i ta ˈna raveraa* i nia ia tatou”?
11 E haamanaˈo vau i te mau ohipa a Ia.E haamanaˈo vau i ta oe mau ohipa faahiahia no mutaa ihora.
12 E feruriruri au i ta oe mau ohipa atoaE e feruri au i ta oe mau huru raveraa.+
13 E te Atua e, mea moˈa to oe mau eˈa.
O vai te atua e tuea ia oe i te rahi, e te Atua e?+
14 O oe te Atua mau o te rave i te mau mea faahiahia.+
Ua faaite oe i to puai i te mau nunaa.+
15 Ua faaora* oe i to nunaa i to puai,*+Te mau tamaiti a Iakoba e a Iosepha. (Sela)
16 Ua ite te mau pape ia oe, e te Atua e,Ua ite te mau pape ia oe e ua hautiuti.+
E ua arepurepu te mau pape hohonu.
17 Ua haamanii mai te mau ata i te pape.
Ua haruru te raˈi tapoˈipoˈi,E ua maue haere ta oe mau teˈa.+
18 E au te haruru o ta oe patiri+ i to te huira pereoo.Ua turama te uira i te fenua nei.*+Ua hautiuti e ua aueue te fenua.+
19 Mea na roto i te miti to oe eˈa,+Mea na roto i te pape e rave rahi to oe purumu.Aita râ to oe taahiraa avae i itehia.
20 Ua aratai oe i to nunaa mai te hoê nǎnǎ+I te rima ra o Mose raua Aarona.+
Nota i raro i te api
^ Heb: “to ˈna rima atau.”
^ Heb: “hoo mai.”
^ Heb: “rima.”
^ Aore ra “fenua ruperupe.”
