Salamo 65:1-13
Na te aratai o te feia himene. Salamo a Davida. Himene.
65 Te tiai ra te arueraa ia oe i Ziona, e te Atua e.+E faatupu matou i ta matou i euhe ia oe.+
2 E Tei faaroo i te pure, e haere atu te feia e rave rau ia oe ra.+
3 Ua hepohepo vau i ta ˈu mau hapa,+Te tapoˈi nei râ oe i ta matou mau hapa.+
4 E oaoa te taata ta oe e maiti e ta oe e haafatataNo te parahi i roto i to mau aua.+
E mauruuru matou i te maitai o to fare,+To hiero* moˈa.+
5 E pahono oe ia matou ma te ohipa parau-tia riaria roa,+E te Atua o to matou faaoraraa.O oe te Tiaturiraa o te hopea o te fenua+E o te feia i te atea ê, i te tahi atu pae o te miti.
6 Ua haamau papu oe* i te mau mouˈa ma to puai.E mana rahi to oe.*+
7 Te tamǎrû nei oe* i te miti puai,+Te haruru o to ratou mau are e te arepurepu o te mau nunaa.+
8 E mǎtaˈu te feia no te mau vahi moˈemoˈe i ta oe mau tapao.+Ia oe e umere ai te feia mai te hitiraa mahana e tae atu i te toparaa mahana.
9 Te haapao nei oe i te fenua,Ma te faahotu e te faaruperupe ia ˈna.+
Mea î te taheraa pape no ǒ mai i te Atua ra.Te horoa mai ra oe i te huero maa na te taata,+Mea na reira hoi oe i te faaineineraa i te fenua.
10 Na oe e faarari i to ˈna mau faaapu a haaparahurahu atu ai i te repo arotehia.Te haamǎrû nei oe i te reira i te ûa, te haamaitai nei oe i to ˈna tupuraa.+
11 Te faahei nei oe i te matahiti i to maitai.Mea ruperupe to mau eˈa.+
12 Te ruperupe noa ˈtu ra te mau vahi aihere o te medebara,+E te oaoa nei te mau aivi.+
13 E nǎnǎ anaˈe na te mau vahi aihere,E ua poˈi roa te mau peho i te huero maa.+
Te umere nei te reira, oia, te himene nei te reira.+