Salamo 115:1-18
115 Eiaha matou, e Iehova, eiaha matou,*O to iˈoa râ ta oe e faahanahana+No to here taiva ore e to haapao maitai.+
2 Eaha te mau nunaa e parau ai:
“Teihea to ratou Atua?”+
3 Tei te raˈi to matou Atua.E rave oia i te mau mea atoa ta ˈna e hinaaro.
4 E ario e e auro ta ratou mau idolo,E ohipa a te rima taata.+
5 E vaha to ratou, aita râ e paraparau ra.+E mata to ratou, aita râ e ite ra.
6 E tariˈa to ratou, aita râ e faaroo ra.E ihu to ratou, aita râ e hauˈa ra.
7 E rima to ratou, eita râ e nehenehe e tapea.E avae to ratou, eita râ e nehenehe e haere.+Aita e mea e faaroohia ra no roto mai i to ratou arapoa.+
8 Te feia i hamani ia ratou, e riro ïa mai ia ratou,+Oia atoa te feia o te tiaturi ra ia ratou.+
9 E Iseraela e, a tiaturi ia Iehova,+O ˈna to ratou tauturu e ta ratou paruru.+
10 E te utuafare o Aarona,+ a tiaturi ia Iehova,O ˈna to ratou tauturu e ta ratou paruru.
11 Outou o te mǎtaˈu ra ia Iehova, a tiaturi ia Iehova,+O ˈna to ratou tauturu e ta ratou paruru.+
12 Te haamanaˈo ra Iehova ia tatou e e haamaitai oia.E haamaitai oia i te utuafare o Iseraela.+E haamaitai oia i te utuafare o Aarona.
13 E haamaitai oia i te feia e mǎtaˈu ra ia Iehova,Te taata haihai mai te taata rahi.
14 E faarahi Iehova ia outou,Ia outou e ta outou mau tamarii.*+
15 Ia haamaitaihia outou e Iehova,+Tei hamani i te raˈi e te fenua.+
16 Na Iehova te raˈi,+Te fenua râ, ua horoa oia i te reira i te mau tamaiti a te taata nei.+
17 Aita te feia pohe e arue ra ia Ia,+Te feia atoa o te reva ra i roto i te pohe.*+
18 O tatou râ te arue ia IaI teie nei e a muri noa ˈtu.
Ia aruehia Ia!*
Nota i raro i te api
^ Aore ra “Aita ta matou hoê aˈe mea, e Iehova, aita ta matou hoê aˈe mea.”
^ Aore ra “tamaiti.”
^ Heb: “i roto i te muhu ore.”
^ Aore ra “Haleluia!” E haapotoraa “Ia” o te iˈoa Iehova.