Zintharika 10:1-32
10 Ntharika za Solomoni.+
Mwana wavinjeru wakukondweska awiske,+Kweni mwana uyo ntchindere wakuchitiska chitima anyina.
2 Usambazi wakuwusangira mu uheni ulije chandulo,Kweni urunji ndiwo ukuthaska ku nyifwa.+
3 Yehova wamulekenge na njara chara murunji,*+Kweni muheni wamunorenge ivyo wakukhumba.
4 Mawoko ghakudelezga ghakukavuska,+Kweni mawoko ghakutokatoka ghakusambazga.+
5 Mwana wamahara wakuwunjika vyakurya mu chihanya,Kweni mwana wakulengeska wakugona tulo phwefu mu nyengo ya vuna.+
6 Vitumbiko vili pa mutu wa murunji,+Kweni mulomo wa muheni ukubisa nkhaza.
7 Chikumbusko* cha murunji chipokerenge thumbiko,+Kweni zina la muheni livundenge.+
8 Uyo ngwavinjeru mu mtima wapokerenge ulongozgi,*+Kweni uyo wakuyowoya uchindere wasindilikenge.+
9 Uyo wakwenda mu kunyoloka wendenge mwakufwasa,+Kweni uyo wakubendezga mendero ghake wamanyikwenge yekha.+
10 Uyo wakutinyira ŵanthu jiso lake wakuchema chitima,+Ndipo uyo wakuyowoya uchindere wasindilikenge.+
11 Mulomo wa murunji ntchisimi cha umoyo,+Kweni mulomo wa muheni ukubisa nkhaza.+
12 Thinkho ndilo likwambiska mphindano,Kweni chitemwa chikubenekelera maubudi ghose.+
13 Vinjeru vikusangika pa milomo ya munthu wakupulikiska,+Kweni uyo walije mahara,* wakupokera chikoti pa msana.*+
14 Ŵavinjeru ŵakusungilira ivyo ŵakumanya,+Kweni mulomo wa chindere ukujichemera pharanyiko.+
15 Chuma* cha munthu musambazi ni msumba wake wakukhora.
Pharanyiko la ŵakavu mbukavu wawo.+
16 Ivyo murunji wakuchita vikulongozgera ku umoyo.Chandulo cha muheni chikulongozgera ku kwananga.+
17 Uyo wakukoleska chisambizgo ni nthowa ya ku umoyo,*Kweni uyo wakukana ntchenyo wakupuluska ŵanyake.
18 Uyo wakubisa thinkho lake wakuyowoya mautesi,+Ndipo uyo wakuthandazga nkhani ziheni* ntchindere.
19 Para mazgu nganandi, pakutondeka chara kuŵa ubudi,+Kweni uyo wakukora milomo yake ngwakuchenjera.+
20 Lulimi lwa murunji luli nga ni siliva liwemi chomene,+Kweni mtima wa muheni ngwawakawaka.
21 Milomo ya murunji yikuryeska* ŵanandi,+Kweni chindere chikufwa, chifukwa cha kuŵavya mahara.+
22 Thumbiko la Yehova ndilo likusambazga munthu,+Ndipo wakusazgako vyakuŵinya* yayi.
23 Nkharo yakulengeska yili nga ni maseŵero kwa chindere,Kweni vinjeru ni vya munthu waumanyi.+
24 Chinthu icho muheni wakopa ndicho chimuwirenge.Kweni murunji wapikenge ivyo wakukhumba.+
25 Para chimphepo chajumpha, muheni waŵengeposo chara.+Kweni murunji ni lufura lwamuyirayira.+
26 Nga ni vinyo lakusasa ku mino, na josi ku maso,Ndimo waliri munthu mukata kwa uyo wakumutuma.*
27 Kopa Yehova kukusazgirako umoyo,+Kweni vyaka vya muheni vidumulizgikenge.+
28 Ivyo murunji wakukhazga* vikumupa chimwemwe,+Kweni chigomezgo cha muheni chimalenge.+
29 Nthowa ya Yehova ni linga lakukhora kwa munthu wambura kafukwa,+Kweni ni pharanyiko ku awo ŵakuchita viheni.+
30 Murunji wawiskikenge chara,+Kweni muheni wakhalengeposo yayi pa charu chapasi.+
31 Mulomo wa murunji ukupambika* vinjeru,Kweni lulimi lwauryarya ludumulikenge.
32 Milomo ya murunji yikumanya icho ntchakukondweska,Kweni mulomo wa muheni mburyarya pera.
Mazgu Ghamusi
^ Panji kuti, “umoyo wa murunji.”
^ Panji kuti, “Lumbiri lwa.”
^ Mazgu gheneko, “malango.”
^ Mazgu gheneko, “ngwakupeleŵera mu mtima.
^ Mazgu ghanyake, “muwongo.”
^ Panji kuti, “Vinthu vyakuzirwa vya.”
^ Pangayowoyekaso kuti, “wali pa nthowa ya ku umoyo.”
^ Panji kuti, “mahumuhumu.”
^ Panji kuti, “yikulongozga.”
^ Panji kuti, “chitima; suzgo.”
^ Panji kuti, “wamulemba ntchito.”
^ Panji kuti, “wakugomezga.”
^ Panji kuti, “ukupasa chipambi cha.”