Kukumbukira Nyifwa ya Yesu
Chisulo, April 12, 2025
Kamoza chaka chilichose, Ŵakaboni ŵa Yehova ŵakukumbukira nyifwa ya Yesu nga umo mweneko wakayowoyera. Iyo wakati: “Lutilirani kuchita ichi kuti munikumbukenge.”—Luka 22:19.
Tikumuchemani kuti muzakaŵepo pa chakuchitika ichi.
Mafumbo Agho Ŵanthu Ŵakutemwa Kufumba
Kasi Chikumbusko chikuchitika kwa maora ghalinga?
Chikuchitika pafupifupi ora limoza pera.
Kasi chamuchitikira nkhu?
Fumbani Ŵakaboni ŵa Yehova kuti mumanye vinandi.
Kasi mukulipiliska?
Yayi.
Kasi kwamuŵa zithero?
Yayi.
Kasi tikwenera kuvwara vyakuvwara vyapadera?
Yayi. Nangauli palije vyakuvwara vyapadera vya pa chikumbusko, kweni Ŵakaboni ŵa Yehova ŵakuŵikapo mtima kulondezga fundo za mu Baibolo pa nkhani ya kuvwara na kujitozga mwakwenelera, kweniso mwantchindi. (1 Timote 2:9) Vwarani waka vyakuvwara vyakuwoneka makora, kulimbana na vyakudura panji vyapachanya yayi.
Kasi pa Chikumbusko pakuchitika vichi?
Tikwamba na kumalizga na sumu kweniso lurombo, ndipo yumoza wa Ŵakaboni ŵa Yehova ndiyo wakulomba. Pakuŵa nkhani ya mu Baibolo iyo yikulongosora kuzirwa kwa nyifwa ya Yesu, kweniso umo tingasangira chandulo pa ivyo Chiuta na Khristu ŵali kutichitira.
Kuti mumanye vinandi wonani nkhani yakuti “Chifukwa Wuli Ŵakaboni ŵa Yehova Ŵakupanga Mugonero wa Fumu Mwakupambana na Matchalitchi Ghanyake?”
Kasi munthazi Chikumbusko chizamuchitika pawuli?
2025: Chisulo, April 12
2026: Chinayi, April 2
Panji Mungatemwa Kuŵerengaso Nkhani Izi
CHIKUMBUSKO
Kukumbukira Nyifwa ya Yesu
Tikumupemphani kuti namwe muzakaŵepo pa zuŵa ili. Muzamumanya kuzirwa kwa nyifwa ya Yesu.
VISAMBIZGO VYAKUZIRWA VYA MU BAIBOLO
Chifukwa Wuli Yesu Wakafwa?
Baibolo lili na maukaboni ghanandi agho ghakulongora kuti nyifwa ya Yesu njakuzirwa. Kasi nyifwa yake yingatiwovwira wuli?