“Buku ili la Dango lingafumangapo chara pa mulomo wako, uŵazgenge na kughanaghanirapo muhanya na usiku, mwakuti uchitenge mwakupwelelera vyose ivyo vili kulembekamo. Para wachita nthena, vinthu vikwenderenge makora, ndipo uchitenge mwavinjeru.”

Joshuwa 1:8

“Ŵakalutilira kuŵazga buku mwakukwezga, Dango la Chiuta waunenesko, kulilongosora mwakupulikikwa makora na kuphara ng’anamuro lake. Ntheura ŵakawovwira ŵanthu kupulikiska ivyo vikaŵazgikanga.”

Nehemiya 8:8

“Ngwakukondwa munthu uyo wakwendera fundo za ŵaheni chara, . . . kweni wakukondwa na dango la Yehova, wakuŵazga dango ili na kughanaghanirapo muhanya na usiku. . . . Chilichose icho wakuchita chendenge makora.”

Salimo 1:1-3

“Filipu wakalichimbilira na kulongozgana nalo ndipo wakapulika nduna yikuŵazga mwakukwezga mazgu mu buku la ntchimi Yesaya, ndipo wakati: ‘Kasi mukupulikiska ivyo mukuŵazga?’ Iyo yikati: ‘Ningapulikiska wuli kwambura kuti munthu wanilongozge?’”

Milimo 8:30, 31

 “Kwambira apo Chiuta wakalengera charu, makhaliro ghake ghambura kuwoneka, agho ni nkhongono yake yamuyirayira na Uchiuta wake, ghakuwoneka makora chomene chifukwa ghakumanyikwa kwizira mu vinthu ivyo wali kulenga. Ntheura ŵanthu ŵalije pakugwenthera.”

Ŵaroma 1:20

“Ughanaghanirepo vinthu ivi, utangwanikenge navyo, mwakuti ŵanthu wose ŵawone umo ukukulira.”

1 Timote 4:15

“Tiyeni tighanaghaniranenge na kuchiskana kuti titemwanenge na kuchita milimo yiwemi. Tingalekanga yayi kuwungana pamoza.”

Ŵahebere 10:24, 25

“Usange yumoza wa imwe wakupeleŵera vinjeru, walombenge Chiuta, pakuti iyo wakupeleka mwawanangwa ku wose, nakuti wakutombozga yayi, ndipo vipikenge kwa iyo.”

Yakobe 1:5