Buk Song 37:1-40
-
Ol man i trastim Jehova bai kisim gutpela samting
Singsing bilong Devit.
א [Aleph]
37 Yu no ken bel hevi* long ol man nogut,Na yu no ken bel nogut long ol man bilong mekim rong.+
2 Ol bai bagarap kwiktaim olsem gras i save drai,+Na ol bai bagarap olsem grinpela lip na gras samting i save dai.
ב [Beth]
3 Yu mas trastim Jehova na mekim gutpela pasin;+Stap gut oltaim long graun bilong yu, na mekim stretpela pasin.+
4 Yu mas amamas long Jehova,Na em bai givim yu ol samting yu laikim tru.
ג [Gimel]
5 Yu mas putim olgeta samting long laip bilong yu long han bilong Jehova;+Yu mas bilip long em na em bai helpim yu.+
6 Em bai mekim stretpela pasin bilong yu i kamap ples klia olsem lait bilong san long taim tulait i bruk.
Na em bai mekim stretpela pasin bilong yu i stap ples klia olsem lait bilong san long belo.
ד [Daleth]
7 Yu mas pasim maus long ai bilong Jehova+Na stap isi na wetim em i helpim yu.
Na yu no ken wari long manI mekim ol kain kain samting em i tingting long en.+
ה [He]
8 Yu no ken belhat, na yu mas lusim pasin bilong belhat nogut tru;+Yu no ken kros, nogut dispela i kirapim yu long mekim pasin nogut.*
9 Ol man nogut bai bagarap olgeta,+Tasol ol manmeri i bilip na wetim Jehova, ol bai kisim graun olgeta.+
ו [Waw]
10 I no longtaim na bai ol man nogut i no stap moa;+Yu bai painim ol long ples bilong ol,Tasol bai yu no inap lukim ol.+
11 Tasol ol man i gat pasin daun, ol bai kisim graun olgeta,+Na ol bai i stap bel isi tru na dispela bai mekim ol i stap amamas moa yet.+
ז [Zayin]
12 Man nogut i save painim rot bilong bagarapim stretpela man;+Na em i kaikai tit long em.
13 Tasol Jehova bai lap long em,Long wanem, Em i save olsem de bilong em bai kam.+
ח [Heth]
14 Ol man nogut i kisim ol bainat bilong ol na taitim ol banara bilong ol,Na ol i laik sutim ol man i karim hevi na ol rabisman,Na ol i laik kilim i dai ol man i bihainim pasin i stret.
15 Tasol bainat bilong ol bai sutim bel bilong ol yet;+Na ol banara bilong ol bai bruk.
ט [Teth]
16 Liklik samting bilong wanpela stretpela man i winimPlanti samting bilong ol man nogut.+
17 Han bilong ol man nogut bai bruk,Tasol Jehova bai helpim ol stretpela man.
י [Yod]
18 Jehova i save long ol hevi em ol man i no gat asua i karim,Na ol samting ol bai kisim bai i stap oltaim oltaim.+
19 Long taim nogut ol bai i no inap kisim sem;Long taim bilong bikpela hangre, ol bai i gat planti kaikai.
כ [Kaph]
20 Tasol ol man nogut ol bai bagarap olgeta;+Ol birua bilong Jehova bai lus olsem gutpela bilas bilong plaua na gras.
Na ol bai pinis wantu olsem smok i save stap liklik taim tasol na pinis.
ל [Lamed]
21 Man nogut i save dinau na em i no save bekim dinau,Tasol stretpela man i no save pasim han bilong em,* em i save givim ol samting long ol arapela.+
22 Ol manmeri God i blesim ol, ol bai kisim graun olgeta,Tasol ol manmeri God i tok long ol i mas bagarap, ol bai kisim bagarap.+
מ [Mem]
23 Jehova i save stiaim wokabaut bilong man+Taim Em i amamas long pasin bilong em.+
24 Maski man i pundaun, em bai no pundaun olgeta,+Long wanem, Jehova bai holim han bilong em na helpim em.+
נ [Nun]
25 Bipo mi yangpela na nau mi lapun pinis,Tasol mi no bin lukim God i givim baksait long stretpela man,+Na mi no bin lukim ol pikinini bilong em i sot long kaikai.*+
26 Oltaim em i save givim nating ol samting long ol arapela,+Na ol pikinini bilong em bai kisim blesing.
ס [Samekh]
27 Yu mas givim baksait long pasin nogut na mekim gutpela pasin,+Sapos yu mekim olsem, yu bai stap oltaim.
28 Jehova i save laikim stretpela pasin,Na em bai i no inap givim baksait long ol man i stap gut long em.+
ע [Ayin]
Oltaim em bai lukautim ol;+Tasol ol lain tumbuna pikinini bilong ol man nogut bai i bagarap.+
29 Ol stretpela man bai kisim graun olgeta,+Na ol bai stap oltaim long en.+
פ [Pe]
30 Maus bilong stretpela man i save autim savetingting,*Na maus bilong em i save toktok long stretpela pasin.+
31 Lo bilong God bilong em i stap long bel bilong em;+Na taim em i wokabaut, lek bilong em bai i no inap wel.+
צ [Tsade]
32 Man nogut i save putim ai long stretpela man,Na bai em i ken painim rot bilong kilim em i dai.
33 Tasol Jehova i no inap larim em i stap long han bilong dispela man+Na taim stretpela man i sanap long kot, em bai i no gat asua.+
ק [Qoph]
34 Yu mas bilip na wet long Jehova na bihainim pasin bilong em,Na em bai givim biknem long yu na bai yu kisim graun olgeta.
Na taim ol man nogut i bagarap,+ yu bai lukim dispela samting.+
ר [Resh]
35 Mi bin lukim man nogut truEm i olsem diwai i go bikpela tru na kamap gut long graun bilong em yet.+
36 Tasol wantu em i go pinis na em i no stap moa;+Mi wok long painim em, tasol mi no inap lukim em.+
ש [Shin]
37 Yu mas tingim man i no gat asua long wanpela samting,*Na lukim man i bihainim pasin i stret,+
Long wanem, dispela man bai sindaun gut long bihain.+
38 Tasol ol man bilong mekim sin bai bagarap;Ol man nogut bai bagarap olgeta.+
ת [Taw]
39 Jehova yet i save kisim bek ol stretpela man;+Long taim bilong hevi, em bai i stap ples hait bilong ol.+
40 Jehova bai helpim ol na kisim bek ol.+
Em bai kisim bek ol long han bilong ol man nogut na helpim ol,Long wanem, ol i go long em na bai em i stap ples hait bilong ol.+
Ol Futnot
^ O, “no ken soim olsem yu belhat.”
^ O ating, “Yu no ken kros, nogut dispela i kamapim hevi.”
^ O, “i save tingim ol arapela.”
^ O, “bret.”
^ O, “kolim isi long maus savetingting.”
^ O, “man i stap gut long yu.”
