“Ol stretpela man bai kisim graun olgeta, na ol bai stap oltaim long en.”

Song 37:29

“Graun i save stap oltaim oltaim.”

Eklisiastis 1:4

“Em bai daunim dai olgeta, na Nambawan Bikpela Jehova bai mekim drai aiwara long pes bilong olgeta man.”

Aisaia 25:8

“Long dispela taim, ai bilong ol aipas bai lukluk, na yau bilong ol yaupas bai harim toktok. Long dispela taim, ol lek nogut bai kalap olsem dia, na tang bilong ol mauspas bai singaut na amamas. Ol wara bai sut i kam aut long ples nating, na ol hanwara bai ron long ples drai nating.”

Aisaia 35:5, 6

“Em bai mekim drai aiwara i stap long ai bilong ol, na bai i no gat dai moa, na ol bai i no bel hevi moa na krai moa, na ol bai i no inap pilim pen gen. Ol dispela ­samting bilong bipo ol i pinis olgeta.”

Revelesen 21:4

 “Ol bai wokim ol haus na stap long ol, na ol bai planim ol gaden wain na kaikai prut bilong ol. Ol i no inap wokim haus na narapela man i kam sindaun long en, na ol i no inap planim samting na ol narapela i kisim na kaikai. Bikos ol manmeri bilong mi bai stap longpela taim tru olsem ol diwai i save stap longpela taim tru, na ol manmeri mi bin makim, ol bai amamas tru long ol wok em han bilong ol yet i mekim.”

Aisaia 65:21, 22