“Olsem tasol ol maritman i mas laikim meri bilong ol olsem ol i laikim bodi bilong ol yet. Man i laikim meri bilong em, em i laikim em yet. Long wanem, i no gat wanpela man i save heitim bodi bilong em yet, nogat. Em i save givim kaikai long en na tingim olsem samting i dia tumas . . . Yupela olgeta wan wan i mas laikim ol meri bilong yupela olsem yupela i save laikim yupela yet.”

Efesus 5:28, 29, 33

“Ol papa, yupela i no ken sikirapim bel bilong ol pikinini bilong yupela, nogat. Oltaim yupela i mas mekim bikpela long ol na trenim ol olsem Jehova i makim, na putim tingting bilong em long bel bilong ol.”

Efesus 6:4

“Maritmeri i mas i gat bikpela rispek long man bilong em.”

Efesus 5:33

“Yupela ol maritmeri, yupela i mas daun long man bilong yupela, dispela pasin i stret long ai bilong Bikpela.”

Kolosi 3:18

“Ol pikinini, yupela i mas bihainim tok bilong papamama bilong yupela olsem God i laikim, dispela em i stretpela pasin. ‘Onarim papa na mama bilong yu.’ Dispela em i namba 1 lo i gat promis long en olsem: ‘Yu ken i stap gut na stap longpela taim long dispela graun.’”

Efesus 6:1-3

“Yupela ol pikinini, yupela i mas bihainim tok bilong papamama bilong yupela long olgeta samting, long ­wanem, Bikpela i save laikim dispela kain pasin.”

Kolosi 3:20