“Man i laikim tumas pasin bilong kisim amamas, em bai kamap rabisman; man i laikim tumas wain na oil, em bai no inap kamap maniman.”

Provep 21:17

“Ol man i save dinau, ol i stap wokboi bilong ol man i givim dinau.”

Provep 22:7

“Sapos wanpela bilong yupela i laik wokim wanpela taua, orait husat bilong yupela bai i no sindaun pastaim na skelim gut pe bilong dispela samting, na bai em i ken save olsem em i gat ol samting inap long pinisim dispela wok o nogat? Nogut em i wokim as bilong taua na em i no inap pinisim, na olgeta manmeri i lukim, ol bai kirap tok bilas long em na tok: ‘Dispela man i kirap wokim taua, tasol em i no inap pinisim.’”

Luk 14:28-30

“Taim ol i kaikai inap pinis em i tokim ol disaipel bilong em: ‘Bungim ol hap kaikai i stap yet na bai yumi no westim wanpela hap kaikai.’”

Jon 6:12