Tangata Malanga 1:1-18
1 Ko e lea ʻa e tangata malangá,*+ ko e foha ʻo Tēvita, ko e tuʻi ʻi Selusalema.+
2 “Ko e koto muna,”* ko e lea ia ʻa e tangata malangá,“Ko e koto muna! Ko e muna ʻa e meʻa kotoa pē!”+
3 Ko e hā ʻoku maʻu ʻe ha taha mei he kotoa ʻo ʻene ngāue mālohiʻA ia ʻokú ne fakaongosia ai ʻi he lalo laʻaá?+
4 ʻOku mole atu ha toʻutangata, pea hoko mai ha toʻutangata,Ka ʻoku kei tuʻu ai pē ʻa e foʻi māmaní ʻo taʻengata.+
5 ʻOku hopo* ʻa e laʻaá, pea ʻoku tō ʻa e laʻaá;Pea ʻokú ne fakavave leva ʻo foki* ki he feituʻu ʻe toe hopo hake aí.+
6 ʻOku ʻalu ʻa e matangí ki he tongá pea vilo takai hake ai ki he tokelaú;ʻOku hokohoko atu ʻene vilo takaí; ʻoku hanganaki vilo takai ʻa e matangí.
7 Ko e kotoa ʻo e ngaahi vaitafé* ʻoku nau tafe ki tahi, ka ʻoku ʻikai ke fonu ai ʻa e tahí.+
Ko e feituʻu ʻa ia naʻe tafe mei ai ʻa e ngaahi vaitafé, ʻoku nau toe foki ki ai ke nau toe tafe mai mei ai.+
8 ʻOku fakaongosia ʻa e meʻa kotoa pē;ʻOku ʻikai lava ha taha ke ne teitei fakamatalaʻi ia.
ʻOku ʻikai fiu ʻa e matá ʻi he sió;Pea ʻoku ʻikai pāhia ʻa e telingá ʻi he fanongó.
9 Ko e meʻa kuo ʻi aí ko e meʻa ia ʻe ʻi aí,Pea ko e meʻa kuo fakahokó ʻe toe fakahoko ia;ʻOku ʻikai ha meʻa ʻe foʻou ʻi he lalo laʻaá.+
10 ʻOku ʻi ai ha meʻa ʻe lava ke pehē ai ʻe ha taha, “Vakai mai ki he meʻá ni—ko e meʻa foʻou ia”?
Naʻe ʻosi ʻi ai pē ia mei he kuohilí;Naʻe ʻosi ʻi ai pē ia ki muʻa ʻi hotau taimí.
11 ʻOku ʻikai manatuʻi ʻe ha taha ʻa e kakai ʻo e kuonga muʻá;Pea heʻikai manatuʻi ʻe ha taha ʻa e faʻahinga ʻe hoko mai ʻamuí;Pea heʻikai manatuʻi kinautolu ʻe he faʻahinga ʻe hoko mai ʻamui angé.+
12 Ko au, ʻa e tangata malangá, naʻá ku hoko ko e tuʻi ki ʻIsileli ʻi Selusalema.+
13 Naʻá ku fakapapauʻi ʻi hoku lotó ke u ako mo fakatotoloʻi ʻaki ʻa e potó+ ʻa e meʻa kotoa pē kuo fai ʻi he lalo langí+—ʻa e ngāue fakamafasia kuo foaki ʻe he ʻOtuá ki he ngaahi foha ʻo e tangatá ʻa ia ʻoku nau hanganaki femoʻuekina aí.
14 Naʻá ku mamata ki he ngaahi ngāue kotoa pē naʻe fai ʻi he lalo laʻaá,Pea vakai, ko e koto muna ʻa e meʻa kotoa pē, ko ha tuli pē ki he matangí.+
15 Ko e meʻa ʻoku pikopikó ʻe ʻikai lava ke toe fakahangatonu,Pea ko e meʻa ʻoku ʻikai ke ʻi aí ʻe ʻikai teitei lava ke lau.
16 Naʻá ku pehē leva ʻi hoku lotó: “Vakai, kuó u maʻu ʻa e poto lahi, ʻo hulu atu ia ʻi ha taha pē ʻi Selusalema+ naʻe ʻi muʻa ʻiate au, pea naʻe maʻu ʻe hoku lotó ha poto mo ha ʻilo lahi.”+
17 Naʻá ku tuku hoku lotó ke u ʻilo ʻa e potó pea ke u ʻilo ʻa e valé pea ke u ʻilo ʻa e seselé,*+ pea ko e meʻá ni foki ko ha tuli pē mo ia ki he matangí.
18 He ko e poto lahí ʻokú ne ʻomai ha ongoʻi feifeitamaki lahi,Ko ia ʻilonga ʻa ia ʻokú ne fakalahi ʻene ʻiló ʻokú ne fakalahi ai pē ʻa ʻene mamahí.+
Fakamatala ‘i Lalo
^ Pe “tokotaha ʻokú ne fakatahatahaʻi ʻa e kakaí.”
^ Pe “koto launoa.”
^ Pe “ulo mai.”
^ Pe “tōngā ʻi heʻene foki.”
^ Pe “ngaahi vaitafe fakafaʻahitaʻu momokó; ngaahi vaitafe fakafaʻahitaʻú.”
^ Pe “vale tōtuʻá.”
