Psaume 37:1-40
-
Azo so azia bê ti ala na Jéhovah ayeke duti nzoni
Psaume ti David.
א [Aleph]
37 Zia bê ti mo ason pëpe* ndali ti azo ti sioniwala mo sara bê pëpe na terê ti azo so ayeke sara aye ti sioni.+
2 Ala yeke hule hio tongana pere,+nga ala yeke hule tongana fini pere.
ב [Beth]
3 Zia bê ti mo na ndö ti Jéhovah na sara ye ti nzoni;+sara kodro na ndö ti sese na duti be-ta-zo.+
4 Gi ti wara ngia mingi* na mbage ti Jéhovah,na lo yeke mû na mo aye so bê ti mo asara nzara ni.
ג [Guimel]
5 Zia si Jéhovah afa lege na mo;*+zia bê ti mo na ndö ti lo, na lo yeke sara ye ndali ti mo.+
6 Lo yeke sara si mbilimbili ti mo asu tongana lumière ti ndapre,nga sarango ye ti mo na lege ni asu tongana lâ ti midi.
ד [Daleth]
7 Duti kpô na gbele Jéhovah+na mo ku gï* lo.
Zia bê ti mo ason pëpe ndali ti zo so,na mayele, asara si aye ti lo aga nzoni.+
ה [Hé]
8 Zia lege ti ngonzo nga zia si ngonzo ahon ndö ti mo pëpe;+zia bê ti mo ason pëpe si mo komanse ti sara ye ti sioni,*
9 ndali ti so a yeke futi azo ti sioni,+me azo so angbâ ti ku Jéhovah, sese ayeke ga ye ti ala.+
ו [Waw]
10 Na yâ ti kete ngoi, azo ti sioni ayeke duti dä encore ape;+mo yeke bâ ande place so ala yeke lani dä,me ala yeke duti dä encore ape.+
11 Me azo so asara terê ti ala kete, sese ayeke ga ye ti ala,+na ala yeke duti na ngia mingi na yâ ti siriri so amû ndo.+
ז [Zaïn]
12 Zo ti sioni aleke ti sara sioni na zo ti mbilimbili,+lo te pembe na terê ti lo.
13 Me Jéhovah ayeke he lo,ndali ti so Lo hinga so lango ti futingo lo ayeke ga.+
ח [Heth]
14 Azo ti sioni asigi na épée ti ala nga ala gboto yâ* ti kokora ti alati kinda azo so a sara pasi na ala nga na awayere,na ti fâ azo so lege ti ala ayeke mbilimbili.
15 Me épée ti ala ayeke lï bê ti ala wani,+nga yâ ti akokora ti ala ayeke fâ.
ט [Teth]
16 Kete ye ti zo ti mbilimbiliayeke nzoni ahon aye mingi ti gbâ ti azo ti sioni.+
17 A yeke kungbi yâ ti maboko ti azo ti sioni,me Jéhovah ayeke mû maboko na azo ti mbilimbili.
י [Yod]
18 Jéhovah ahinga aye so ayeke si na* azo so tënë ayeke na li ti ala pëpe,na héritage ti ala ayeke ngbâ lakue.+
19 A yeke bi kamene na lê ti ala pëpe na ngoi ti ye ti ngangu;na ngoi ti kota nzara, ala yeke duti na gbâ ti ye.
כ [Kaph]
20 Me azo ti sioni ayeke kui,+awato ti Jéhovah ayeke girisa tongana apendere ndo ti tengo pere;ala yeke girisa tongana guru ti wâ.
ל [Lamed]
21 Zo ti sioni amû bon me lo kiri na ni pëpe,me maboko ti zo ti mbilimbili awoko na mungo ye,* nga lo yeke mû ye.+
22 Azo so Nzapa airi tënë nzoni na ndö ti ala, sese ayeke ga ye ti ala;me azo so Lo deba ala, a yeke futi ala.+
מ [Mem]
23 Tongana lege so mbeni zo amû anzere na Jéhovah,+Lo yeke fa lege na gere ti zo ni.*+
24 Atâa so zo ni apeut ti tï, lo yeke ngbâ na sese pëpe tongana ti zo so a bi lo na sese ngangu,+ndali ti so Jéhovah amû maboko na lo na gbungo maboko ti lo.+
נ [Noun]
25 Mbi yeke ândö maseka, na fadeso mbi yeke mbakoro,me mbi bâ pëpe mbeni zo ti mbilimbili so Nzapa adö lo azia,+wala amolenge ti lo airi mapa.*+
26 Lo yeke lakue nduru ti mû ye na zo na bon,+na amolenge ti lo ayeke ku ti wara tufa.
ס [Samek]
27 Zia lege ti sioni na mo sara ye ti nzoni,+na mo yeke ngbâ na fini lakue lakue.
28 Jéhovah aye fango ngbanga ti mbilimbili,na lo yeke zia abe-ta-zo ti lo pëpe.+
ע [Aïn]
Lo yeke bata ala lakue;+me ahale ti azo ti sioni, a yeke futi ala.+
29 Sese ayeke ga ande ye ti azo ti mbilimbili,+na ala yeke ngbâ na ndö ni lakue lakue.+
פ [Pé]
30 Yanga ti zo ti mbilimbili amû ndara na zo,*na lo yeke sara tënë ti ye so ayeke mbilimbili.+
31 Ndia ti Nzapa ti lo ayeke na yâ ti bê ti lo;+lo yeke pika gere ti lo pëpe.+
צ [Tsadé]
32 Lê ti zo ti sioni ayeke na terê ti zo ti mbilimbili,lo yeke gi ti fâ lo.
33 Me Jéhovah ayeke zia lo pëpe na maboko ti zo ni,+nga na ngoi so lo yeke fâ ngbanga ti lo, lo yeke tene pëpe so tënë ayeke na li ti lo.+
ק [Qoph]
34 Ku Jéhovah, na tambela na ndö ti lege ti lo,na lo yeke yâa mo na nduzu si sese aga ti mo.
Na ngoi so a yeke futi azo ti sioni,+ mo yeke bâ ni.+
ר [Resh]
35 Mbi bâ zo ti sioni so abâ mawa ti zo pëpe,lo mû ndo tongana keke so amaï pendere na ndo so lo sigi dä.+
36 Me gï hio tongaso, lo hon, lo yeke dä encore ape;+mbi gi lo me mbi wara lo pëpe.+
ש [Shin]
37 Zia lê ti mo na ndö ti zo so tënë ayeke na li ti lo pëpe*nga zia lê ti mo angbâ na terê ti zo ti mbilimbili,+ndali ti so kekereke lo yeke duti na siriri.+
38 Me a yeke futi azo ti kengo ndia kue;a yeke futi ande azo ti sioni.+
ת [Taw]
39 Salut ti azo ti mbilimbili alondo na Jéhovah;+lo yeke ngangu gbagba ti batango ala na ngoi ti vundu.+
40 Jéhovah ayeke mû maboko na ala nga lo yeke sö ala.+
Lo yeke zi ala na tïtî azo ti sioni na lo sö ala,ndali ti so ala kpe na mbage ti lo ti bata terê ti ala.+
Akete tënë na terê ni
^ Wala “Sara ngonzo pëpe.”
^ Wala “Wara kota ngia ti mo.”
^ Na Hébreu: “Roulé lege ti mo na ndö ti Jéhovah.”
^ Wala “kanga bê mo ku.”
^ A lingbi nga ti tene “Zia bê ti mo ason pëpe, ndali ti so a lingbi ti gue gï na mo na ye ti sioni.”
^ Wala “zia kamba na terê.”
^ Na Hébreu: “ahinga alango ti.”
^ Wala “asara nzoni bê.”
^ Wala “Lo yeke sara si gere ti zo ni aluti nzoni.”
^ Wala “kobe.”
^ Wala “atene atënë ti ndara na gbe ti go.”
^ Wala “zo so asara ye lakue mbilimbili.”
