Psaume 145:1-21
Bia ti sepela ti David.
א [Aleph]
145 Nzapa ti mbi so mo yeke Gbia,+ mbi yeke gonda kota ti mo,mbi yeke sepela iri ti mo lakue lakue nga kpu na kpu.+
ב [Beth]
2 Na yâ ti lango ni kue, mbi yeke sepela mo;+mbi yeke sepela iri ti mo lakue lakue nga kpu na kpu.+
ג [Guimel]
3 Jéhovah ayeke kota nga lo lingbi ti tene a sepela lo ahon tanga ti azo kue;+zo apeut ti gi nda ti kota ti lo pëpe.*+
ד [Daleth]
4 Azo ti angoi nde nde kue ayeke gonda akusala ti mo,ala yeke fa tënë ti akpengba ye so mo sara.+
ה [Hé]
5 Ala yeke sara tënë ti gloire ti mo so ayeke kota mingi+nga mbi yeke gbu li na ndö ti akusala ti mo ti dongo bê.
ו [Waw]
6 Ala yeke sara tënë ti akusala* ti mo so apika bê mingi,nga mbi yeke fa tënë ti kota ti mo.
ז [Zaïn]
7 Na ngoi so ala yeke dabe ti ala na nzoni ti mo so ayeke mingi, ala yeke tene tënë ni mingi mingi,+nga ala yeke dekongo na ngia ndali ti mbilimbili ti mo.+
ח [Heth]
8 Jéhovah abâ mawa ti zo* nga lo sara nzoni bê na zo,+lo sara ngonzo hio hio pëpe nga tâ ndoye ti lo ayeke kota.+
ט [Teth]
9 Jéhovah asara nzoni na azo kue,+nga a yeke bâ nzoni bê ti lo na yâ ti akusala ti lo kue.
י [Yod]
10 Jéhovah, akusala ti mo kue ayeke mû gloire na mo,+nga azo ti mo so ayeke be-ta-zo ayeke sepela mo.+
כ [Kaph]
11 Ala yeke fa tënë ti gloire ti komandema ti mo ti gbia+nga ala yeke sara tënë ti ngangu ti mo,+
ל [Lamed]
12 ti sara si azo ahinga akpengba kusala ti mo+nga na kota gloire ti komandema ti mo ti gbia.+
מ [Mem]
13 Komandema ti mo ti gbia ayeke ti lakue lakue,na komandema ti mo ayeke ngbâ na yâ ti angoi nde nde kue.+
ס [Samek]
14 Jéhovah agbu maboko ti azo kue so aye ti tï;+azo kue so aba bango, lo mû ala na nduzu.+
ע [Aïn]
15 Lê ti azo kue ayeke gï na mbage ti mo ti ku mo;mo mû na ala kobe ti ala na ngoi ni.+
פ [Pé]
16 Mo zi yâ ti maboko ti mona mo mû na aye kue so ayeke na fini ye so ala sara nzara ni.+
צ [Tsadé]
17 Jéhovah ayeke mbilimbili na yâ ti alege ti lo kue,+nga lo yeke be-ta-zo na yâ ti aye kue so lo sara.+
ק [Qoph]
18 Jéhovah ayeke nduru na azo kue so ayeke iri lo,+azo kue so ayeke iri lo na bê ti ala kue.*+
ר [Resh]
19 Lo mû na azo so akpe mbeto ti lo aye so ala sara nzara ni;+lo mä toto so ala toto na lo ti mû maboko na ala, na lo zi ala.+
ש [Shin]
20 Jéhovah abata azo kue so aye lo,+me lo yeke futi azo ti sioni kue.+
ת [Taw]
21 Yanga ti mbi ayeke sepela Jéhovah;+iri ti lo so ayeke nzoni-kue, zia si aye kue so ayeke na fini* asepela ni lakue lakue nga kpu na kpu.+
Akete tënë na terê ni
^ Wala “kota ti lo ahon gbungo li ti zo.”
^ Wala “ngangu.”
^ Wala “asi na grâce.”
^ Na Hébreu: “na tâ tënë.”
^ Na Hébreu: “mitele kue.”
