“Mo, Bethléhem Éphrathah, . . . mbeni zo ayeke sigi ande na yâ ti mo ti ga mokonzi na Israël ndali ti mbi.”

Michée 5:2

“Na peko ti so a dü Jésus na Bethléhem ti Judée na ngoi ti Gbia Hérode, bâ, azo ti gingo nda ti aye na lege ti atongoro alondo na mbage ti est aga na Jérusalem.”

Matthieu 2:1

“Ala kangbi yâ ti bongo ti mbi na popo ti ala, na ala bi mbeni ye ti mû lege na ala ti bâ wala bongo ti mbi ayeke ga ti zo wa.”

Psaume 22:18

“Tongana aturugu ni apika Jésus na pointe na ndö ti keke awe, ala mû abongo ti lo ti ndö ni, ala suru yâ ni osio . . . Me ti bongo ti yâ ni so, a yeke gï mbeni kota bongo oko so a fü ni fungo pëpe, a kpo ni gï senge tongaso a londo na nduzu juska na gbe ni. Tongaso ala tene na popo ti ala: “E suru yâ ni pëpe, me e bi mbeni ye ti bâ zo so bongo ni ayeke ga ti lo.”

Jean 19:23, 24

“Lo bata abio ti lo kue; a kungbi mbeni oko pëpe.”

Psaume 34:20

“Tongana ala si na Jésus, ala bâ so lo kui awe, tongaso, ala kungbi yâ ti gere ti lo pëpe.”

Jean 19:33

“A kpo lo na kä ndali ti kengo ndia ti e.”

Ésaïe 53:5

“Mbeni turugu ni akpo terê ti kate ti Jésus na likongo, gï hio tongaso mênë na ngu asigi.”

Jean 19:34

“Ala futa mbi na alê ti nginza ti argent 30.”

Zacharie 11:12, 13

“Na pekoni, mbeni oko na popo ti adisciple 12, so iri ti lo ayeke Judas Iscariote, ague abâ aprêtre-mokonzi, na lo tene na ala: “Ala yeke mû na mbi nyen ti tene mbi kä lo na ala?” Ala tene so ala yeke mû na lo alê ti nginza ti argent 30.”

Matthieu 26:14, 15; 27:5)