“Mbi yeke zia kengo terê na popo ti mo na wali ni, nga na popo ti hale ti mo na hale ti lo. Lo yeke neka ande li ti mo, na mo yeke dë ande peko ti gere ti lo.”

Genèse 3:15

“Na lege ti hale ti mo, amara kue ti sese ayeke wara ande tënë nzoni ndali ti ala wani ngbanga ti so mo mä yanga ti mbi.”

Genèse 22:18

“Zia Royaume ti mo aga. Zia a sara ye so bê ti mo aye, na yayu legeoko nga na ndö ti sese.”

Matthieu 6:10

“Ti Nzapa, lo so ayeke mû siriri, lo yeke neka ande Satan na gbe ti gere ti ala na yâ ti kete ngoi.”

aRomain 16:20

“Tongana aye kue aga ande na gbe ti lo awe, Molenge ni nga ayeke duti ande na gbe ti Lo so azia aye kue na gbe ti lo Molenge ni, si Nzapa aga aye kue ndali ti zo oko oko kue.”

1 aCorinthien 15:28

 “A sara tënë ti azendo ni na Abraham nga na hale ti lo . . . , so ayeke Christ. Nga, tongana ala yeke ti Christ, ala yeke biani hale ti Abraham.”

aGalate 3:16, 29

“Fadeso royaume ti dunia aga Royaume ti Seigneur ti e na ti Christ ti lo awe, lo yeke komande ande tongana gbia lakue lakue nga kpu na kpu.”

Apocalypse 11:15

“Tongaso, a bi kota sioni nyama so akpa ngbo so, ngbo ti giriri, lo so a iri lo Zabolo na Satan, lo so lo yeke handa azo na ndö ti sese kue; a bi lo na sese, na a bi nga a-ange ti lo ni legeoko na lo.”

Apocalypse 12:9

“Lo gbu sioni nyama so akpa ngbo so, ngbo ti giriri, so ayeke Zabolo na Satan, na lo kanga lo ngu 1000.”

Apocalypse 20:2