Ayezaya 43:1-28
43 O Gyekɔbo, akee edwɛkɛ mɔɔ Gyihova, wɔ Bɔvolɛ ne,O Yizilayɛ, Ahenle mɔɔ nwonle wɔ la ɛha la ɛne:+
“Mmasulo ɔluakɛ mekpɔne wɔ.+
Meva wɔ duma mevɛlɛ wɔ.
Ɛle me ɛdeɛ.
2 Saa ɛlua nzule nu a, me nee wɔ balua,+Yɛɛ ɛlua azule ne mɔ anu a, bɛnrɛyi bɛnrɛva wɔ.+
Saa ɛlua senle nu a, ɔnrɛyela wɔ,Yɛɛ sendɔlɔra ne ɛnrɛyela wɔ.
3 Ɔluakɛ medame a mele Gyihova wɔ Nyamenle ne,Yizilayɛ Nwuanzanwuanza Ko ne, wɔ Ngoanedievolɛ ne a.
Meva Yigyibiti meyɛ ɛkpɔnedeɛ memaa wɔ,Yɛɛ meva Yiteyopea nee Siba memaa na melie wɔ.
4 Kɛmɔ ɛnee ɛsonle bolɛ wɔ me nye zo la ati,+Menlile wɔ eni yɛɛ mengulole wɔ.+
Yemɔti mebava menli meazie ɛ gyakɛ anuNa meava maanle maanle meamaa na mealie wɔ ngoane.*
5 Mmasulo, ɔluakɛ me nee wɔ lua.+
Mebamaa ɛ bo zo amra avi aduduleɛ araNa meaboɔboa ɛ nloa meavi adɔleɛ meara.+
6 Mebaha meahile sɔlɔ kɛ, ‘Gyakyi bɛ!’+
Yɛɛ nyiakɛ kɛ, ‘Mmamaa bɛka ɛkɛ.
Maa me mra mrenyia ne mɔ ɛvi moamoa ɛrɛla, na me mra mraalɛ ne mɔ ɛvi azɛlɛ ne ɛleka biala ɛrɛla,+
7 Awie biala mɔɔ bɛfa me duma bɛfɛlɛ ye+Na me anyunlunyia ne ati mebɔ ye,Menwo ye na meyɛ ye la.’+
8 Fa menli mɔɔ bɛlɛ ɛnyelɛ noko bɛ nye ɛzi,Yɛɛ bɛlɛ ɛnzolɛ noko bɛ nzo ɛdi la bɛla.+
9 Bɛmaa maanle maanle kɔsɔɔti ɛboɔboa bɛ nloa ɛleka ko,Na bɛmaa menli ne ɛyia nu.+
Bɛ nuhua boni a bahola aha ɛhye a?
Asoo bɛbahola bɛaha alimoa ninyɛne* ne mɔ bɛahile yɛ ɔ?+
Bɛmaa bɛva bɛ alasevolɛ bɛrɛla na bɛhile kɛ bɛdi benle,Anzɛɛ bɛmaa bɛde na bɛha kɛ, ‘Ɔle nɔhalɛ!’”+
10 “Bɛle me alasevolɛ,”+ kɛ Gyihova se la ɛne,“Ɛhɛe, me sonvolɛ mɔɔ mekpa ye,+Amaa bɛanwu ye na bɛanyia diedi wɔ me nu*Na bɛade ɔ bo kɛ kɛ mede ala ɛne.+
Nyamenle biala ɛnli me nyunlu,Yɛɛ biala ɛnli me nzi.+
11 Medame, medame a mele Gyihova+ a, na ɛye me a, dievolɛ biala ɛnle ɛkɛ.”+
12 “Medame a menganle na menliele ngoane na memaanle bɛnwunle yeWɔ mekɛ mɔɔ ɛnee nyamenle gyɛne biala ɛnle bɛ avinli la a.+
Ɔti bɛle me alasevolɛ,” kɛ Gyihova se la ɛne, “yɛɛ mele Nyamenle.+
13 Bieko, dahuu kɛ mede ala ɛne;+Na awie biala ɛngola ɛnlie debie ɛnvi me sa nu,+
Saa meyɛ debie a, nwane a kola si ye adenle a?”+
14 Edwɛkɛ mɔɔ Gyihova, bɛ Kpɔnevolɛ ne,+ Yizilayɛ Nwuanzanwuanza Ko ne ɛha la ɛne:+
“Bɛdabɛ ti, mebazoa meamaa bɛahɔ Babelɔn anwo zo na bɛabubu bɛ nlenkɛ mgbole ne mɔ,+Na Kaledeama bɛazu ali nyane wɔ bɛ meli ne mɔ anu.+
15 Medame a mele Gyihova a, bɛ Nwuanzanwuanza Ko ne,+ Yizilayɛ Bɔvolɛ ne,+ bɛ Belemgbunli ne.”+
16 Edwɛkɛ mɔɔ Gyihova,Ahenle mɔɔ pɛ adenle to nyevile nuNa ɔye adenle ɔto azule mɔɔ ɛlɛtu la anu,+
17 Ahenle mɔɔ ka konle ehwili nee mgbɔnwɔ,+Ɛlɔne nee konle nu katakyiema ɔmaa bɛkɔ la ɛha la ɛne:
“Bɛbagua aze na bɛnrɛdwazo.+
Bɛbanlu kɛ kɛnlaneɛ nu nyɛma mɔɔ ɛlɛsɔ na yenlu la.”
18 “Bɛmmakakye ninyɛne dɛba ne mɔ,Yɛɛ bɛmmadwenle tete ninyɛne ne mɔ anwo.
19 Nea! Melɛyɛ debie fofolɛ;+Kɛkala bɔbɔ yebɔ ɔ bo.
Bɛnnwu ye ɔ?
Mebapɛ adenle meado fienemgbole nu+Na azule aze ɛsɛlɛ zo.+
20 Ɛbɔ nu nane,Ɛzonlɛ nee soholo bali me eni,Ɔluakɛ memaa bɛnyia nzule wɔ fienemgbole nu,Azule se ɛsɛlɛ zo,+Amaa me menli ne mɔɔ mekpa bɛ+ la anlo,
21 Menli mɔɔ mekpa bɛ memaa me nwoAmaa bɛabɔ me ayɛlɛyelɛ ne nolo la.+
22 Noko ɛtɛfɛlɛle me, O Gyekɔbo,+Ɔluakɛ me nwo ɛvonlo wɔ, O Yizilayɛ.+
23 Ɛtɛfale boane ɛtɛbɔle nane mumua ɛyelalɛ afɔle ɛtɛmaanle meYɛɛ ɛtɛfale wɔ afɔlebɔlɛ ne mɔ ɛtɛwulale me anyunlunyia.
Metɛyɛle ye kyengye kɛ ɛrɛlɛ me ahyɛlɛdeɛ,Yɛɛ metɛgyegyele wɔ kɛ ɛva ɛyɛlɛvuanlɛ ɛrɛlɛ me.+
24 Ɛtɛfale wɔ ezukoa ɛtɛtɔle baka evuanlɛ* ɛtɛmaanle me,Yɛɛ wɔ nane mɔɔ ɛlɔ la afɔlebɔlɛ ne mɔ ɛnzɔ me nye.+
Emomu, wɔ ɛtane ne mɔ ɛyɛ adesoa ɛmaa meYɛɛ wɔ amumuyɛ ne mɔ ɛyɛ me ɛvɛlɛ.+
25 Medame, medame a mele Awie mɔɔ kyikyi wɔ ɛtane ne mɔ nee wɔ mɛladonlɛ*+ ne mɔ ɔlua medame ti a,+Na menrɛhakye wɔ ɛtane ne mɔ bieko.+
26 Kakye me; maa yɛyia yɛha yɛ edwɛkɛ;Ka wɔ edwɛkɛ ɛdeɛ ne fa kile kɛ ɛdi benle.
27 Ɛ ze ne mɔɔ limoa la yɛle ɛtane,Yɛɛ menli mɔɔ tendɛ maa wɔ* la ɛde me nwo atua.+
28 Yemɔti mebagua mgbanyima mɔɔ wɔ ɛleka nwuanzanwuanza ne la anwo evinli,Yɛɛ mebamaa bɛazɛkye GyekɔboNa meamaa bɛabɔ Yizilayɛ aholoba.+
Ɔbodwɛkɛ
^ Anzɛɛ “wɔ ɛkɛla.”
^ Ɔbayɛ kɛ ɔfale ninyɛne mɔɔ balimoa azi kenle bie la anwo.
^ Anzɛɛ “na bɛava bɛ rɛle bɛawula me nu.”
^ Ndɔ baka bie mɔɔ bɔ evuanlɛ la.
^ Anzɛɛ “wɔ atuadelɛ nyɛleɛ.”
^ Ɔbahola yeayɛ Mɛla kilehilevolɛma ne.
