Ayezaya 35:1-10
35 Fienemgbole nee azɛlɛ resee anye balie,+Yɛɛ ɛsɛlɛ bali fɛlɛko na zolɛ ayɛ felawɔse* ngome.+
2 Zolɛ bawula wɔ adenle biala azo;+Ɔbali fɛlɛko na yeava anyelielɛ yeadeɛdea nu.
Bɛbava Lɛbanɔn anyunlunyia ne+Nee Kamɛle yɛɛ Hyɛlɔn kɛnlɛma ne bɛamaa ye.+
Bɛbanwu Gyihova anyunlunyia ne, yɛ Nyamenle ne kpoleyɛlɛ ne.
3 Bɛmaa ɛsalɛ mɔɔ anu ɛtuto la anwosesebɛ,Na bɛmaa egyakɛ agbɔkɛ mɔɔ ɛlɛwoso la ɛgyinla kpundii.+
4 Bɛha bɛhile bɛdabɛ mɔɔ bɛdwenledwenle wɔ bɛ ahonle nu la kɛ:
“Bɛnyia anwosesebɛ. Bɛmmasulo.
Nea! Bɛ Nyamenle ne barali nzenralɛ,Nyamenle barahwe bɛ agbɔvolɛ anzo.+
Ɔbara na yealie bɛ ngoane.”+
5 Mekɛ zɔhane, anyenzinliravolɛma anye babuke,+Yɛɛ anzondiliravolɛma bade edwɛkɛ.+
6 Mekɛ zɔhane, abuburama bawuluwulu kɛ weɛlɛ,+Yɛɛ mumulema bava anyelielɛ adeɛdea nu.+
Ɔluakɛ nzule badukue fienemgbole nu,Na azudenle aze ɛsɛlɛ zo.
7 Azɛlɛ resee bahakyi nzubula,Na azɛlɛ mɔɔ ɛwe la ayɛ ɛleka mɔɔ azule se.+
Ɛleka mɔɔ ɛnee ɛzonlɛ da la,+Ɛkɛ ne bafifi ndile, ayekɛ nee ndɔ.
8 Ademgbole bie bala ɛkɛ,+Ɛhɛe, adenle mɔɔ bɛfɛlɛ ye Nwuanzanwuanza Adenle.
Awie mɔɔ anwo ɛnde la ɛnrɛva zolɛ.+
Awie mɔɔ lua adenle ne azo la ala a bɛgyakyi bɛmaa ye a;Koasea ɛnrɛva zolɛ.
9 Awenade biala ɛnrɛhɔ ɛkɛ,Yɛɛ nane anwo ɛzulolɛ biala ɛnrɛva zolɛ.
Bɛnrɛnwu bɛ wɔ ɛkɛ;+Bɛdabɛ mɔɔ bɛkpɔne bɛ la ala a bɛbalua ɛkɛ a.+
10 Bɛdabɛ mɔɔ Gyihova ɛlie bɛ la bava anyelielɛ adeɛdea nu azia ara Zayɔn.+
Anyelielɛ mɔɔ ɛnlɛ awieleɛ la bayɛ bɛ ti zo abotile.+
Bɛ nye balie na bɛali fɛlɛko,Na nyane nee alɔbɔlɛ bavi ɛkɛ.+
Ɔbodwɛkɛ
^ Anzɛɛ “safolɔn.”
