Salamo 65:1-13
Ho an’ny mpitarika. Salamo nataon’i Davida. Hira.
65 Hoderaina any Ziona+ ianao, Andriamanitra ô!Hanefa ny voady nataonay taminao izahay.+
2 Ry Mpihaino vavaka ô, ianao no hohatonin’ny karazan’olona* rehetra.+
3 Tototry ny fahadisoako aho,+Nefa ianao mamela* ny fandikan-dalàna nataonay.+
4 Sambatra izay fidinao sy asainao manatona anaoMba hipetraka eo an-tokotaninao.+
Hahafa-po anay ny zava-tsoa ao an-tranonao,+Dia ny tempolinao masina.*+
5 Ry Andriamanitra mpamonjy anay ô,Hamaly ny fangatahanay ianao, ka hanao zavatra miavaka+ ho fampiharana ny rariny.Ianao ilay Itokisan’ny olona hatrany amin’ny faran’ny tany+Sy ireo any an-dranomasina lavitra.
6 Mampiorina mafy ny tendrombohitra amin’ny herinao ianao;*Ny tanjakao no akanjo anaovanao.+
7 Mampitony ny ranomasina misamboaravoara ianao,*+Dia ny fidoboky ny onjany sy ny tabataban’ireo firenena.+
8 Ho talanjona amin’ireo famantarana ataonao ny mponina any amin’ny faritra lavitra;+Hataonao izay hihobian’ireo mipetraka any amin’ny fiposahan’ny masoandro ka hatrany amin’ny filentehany.
9 Mikarakara ny tany ianao,Ka ataonao mahavokatra be* sy tena lonaka izy io.+
Mikoriana foana ny renirano avy amin’Andriamanitra;Manome vokatra ho an’ny olona ianao,+Satria efa nomaninao ho amin’izany ny tany.
10 Ataonao vonton-drano ny vava asany, ary ataonao mitovy tantana ny tany voasa;*Mandrotsaka oram-be ianao mba hampahalemy ny tany, ary tahinao izay mitsiry eo aminy.+
11 Ravahanao amin’ny hatsaranao ny taona, ka toy ny hoe asianao satroboninahitra;Tondraka zava-tsoa* izay andalovanao.+
12 Rakotra ahi-maitso* foana ny kijana any an-tany efitra,+Ary miakanjo fifaliana ny havoana.+
13 Feno ondry aman’osy eny amin’ny kijana,Ary rakotra varimbazaha ny lohasaha.*+
Manao horakora-pandresena ireny, eny, mihira.+
Fanamarihana
^ Abt: “nofo.”
^ Na: “saronanao.”
^ Na: “toeranao masina.”
^ Abt: “heriny izy.”
^ Abt: “izy.”
^ Abt: “tondraka.”
^ Na: “ary mandravona an’izay midongona eo aminy ianao.”
^ Abt: “Mitete hatavezana.”
^ Abt: “Mitete.”
^ Na: “lemaka iva.”
