‘N ta poi inimizadi entri bo ku mudjer, i entri bu disendenti ku se disendenti. El ta pila-u kabésa i bo bu ta fri-l kalkanhada.’

Génesis 3:15

‘Tudu nasons na Téra ta ben resebe un benson pa es através di bus fidju, pamodi bu obi ku nha vós.’

Génesis 22:18

“Pa bu Reinu ben. Pa bu vontadi fazedu na téra, sima na séu.”

Mateus 6:10

“Ka ta dura, kel Deus ki ta da pas ta ben pila Satanás dibaxu di nhos pé.”

Romanus 16:20

“Óras ki Deus poi tudu kuza dibaxu di el, própi Fidju tanbê ta ben mostra ma el sta dibaxu di Kel ki poi tudu kuza dibaxu di el. Asi, Deus ta ser tudu kuza pa tudu algen.”

1 Koríntius 15:28

 “Es promésa fazedu pa Abraon i pa se disendenti. . . , ki é Kristu. Alén di kel-li, si nhos é di Kristu, nhos é própi disendenti di Abraon.”

Gálatas 3:16, 29

“Kel reinu di mundu bira Reinu di nos Sinhor i di se Kristu, i el ta ben reina pa tudu ténpu.”

Apokalipse 11:15

“Nton kel grandi dragon botadu pa baxu, kel primeru kóbra, kel ki ta txomadu Diabu i Satanás, ki sta ta ingana téra interu. El botadu pa baxu pa téra i se anjus botadu pa baxu djuntu ku el.”

Apokalipse 12:9

“El pega kel dragon, kel primeru kóbra ki é Diabu i Satanás, i el mara-l pa mil anu.”

Apokalipse 20:2