‘Téra ta ben ser di kes algen justu i es ta ben vive na el pa tudu ténpu.’

Salmo 37:29

‘Téra ta fika pa tudu ténpu.’

Eclesiastes 1:4

‘El ta ben kaba ku mórti pa tudu ténpu, i Jeová, kel Sinhor Más Grandi, ta ben linpa lágua di tudu róstu.’

Isaías 25:8

‘Na kel ténpu, odju di kes algen ségu ta ben abri i obidu di kes algen surdu ta ben distapa. Na kel ténpu, kes algen manku ta ben salta sima viadu, i língua di kes algen mudu ta ben grita di alegria. Pamodi ta ba ten txeu agu ta baza na dizértu, i agu ta kóre na lugar planu i dizértu.’

Isaías 35:5, 6

“El ta ben linpa tudu lágua di ses odju, i ka ta ben ten más mórti, nen tristéza, nen txoru nen dór. Kes kuza ki tinha antis ka ta ben ten más.”

Apokalipse 21:4

 ‘Es ta ben faze kazas i mora na es; es ta ben planta lugaris xeiu di pé di uva i kume di ses fruta. Es ka ta faze kazas pa otus algen mora, es ka ta planta pa otus algen ba kume. Pamodi ténpu di nha povu ta ser sima ténpu di un arvi, i kes ki N skodje ta ba goza rezultadu di trabadju di ses mô.’

Isaías 65:21, 22