Dipôs di anu 4026 A.K.

‘Kel kóbra’ dizafia direitu i manera di Jeová governa. Jeová promete ma un dia un ‘disendenti’ ô kel ‘simenti’ ta ben pila kel kóbra, ki é Satanás. (Génesis 3:1-5, 15, nóta di rodapé.) Má, Jeová da ténpu pa pesoas governa ses kabésa dibaxu di influénsia di kel kóbra.

Anu 1943 A.K.

Jeová fla Abraon ma kel ‘disendenti’ ki prometedu ta ben ser un di se disendenti. — Génesis 22:18.

Dipôs di anu 1070 A.K.

Jeová garanti rei Davidi i dipôs pa se fidju Salumon ma kel ‘disendenti’ ki prometedu ta binha di se família. — 2 Samuel 7:12, 16; 1 Reis 9:3-5; Isaías 9:6, 7.

Anu 29 D.K.

Jeová mostra ma Jizus é kel “disendenti” ki prometedu i Erderu di tronu di Davidi. — Gálatas 3:16; Lukas 1:31-33; 3:21, 22.

 Anu 33 D.K.

Kel kóbra, ki é Satanás, fri kel ‘disendenti’ ki prometedu kantu el poi Jizus ta matadu. Jeová resusita Jizus pa vida na séu i el seta valor di sakrifisiu di se vida perfeitu. Kel-la ta sirbi di bazi pa perdon di pekadu i pa kes disendenti di Adon pode vive pa tudu ténpu. — Génesis 3:15; Atus 2:32-36; 1 Koríntius 15:21, 22.

Pa vólta di anu 1914 D.K.

Jizus bota kel kóbra, ki é Satanás, pa téra, i el obriga-l fika na téra pa poku ténpu. — Apokalipse 12:7-9, 12.

Futuru

Jizus ta prende Satanás pa mil anu i dipôs el ta distrui-l. Di kel manera li é sima ki el ta pila-l kabésa. Obijetivu ki Jeová tinha désdi komésu pa téra i pa pesoas ta kunpri, se nómi ta santifikadu i ta fika provadu ma se manera di governa é kel midjór. — Apokalipse 20:1-3, 10; 21:3, 4.