Salmos 77:1-20
Pe odirihíva musikokuérape g̃uarã, Jedutún* rehe. Asaf purahéi.+
77 Che añemboʼéta Ñandejárape, ajerure asýta chupe chepytyvõmi hag̃ua.
Haʼe katuete cherendúta.+
2 Ahasa asýrõ guare, che añemoag̃ui Jehováre.+
Tódo el pyhare añemboʼe* chupe.
Che* añeñandu vaieterei ha ndaipóri chekonsoláva.
3 Chemanduʼa Ñandejára ojapo vaʼekuére yma ha aipotaiterei haʼe cheguerohory jey.+
Chéngo* chekangypáma aiko haguére ajepyʼapyeterei.+ (Sélah)
4 Nde nderehejái amboty che resa ake hag̃ua,chéngo ajepyʼapyeterei ha ndaikatuvéima ni añeʼẽ.
5 Aiko chemanduʼa umi mbaʼe yma guarére,+umi mbaʼe oiko vaʼekue yma oupa jey chéve che akãme.
6 Pyharekue chemanduʼa umi músika apurahéi vaʼekuére Ñandejárape,+ajepyʼamongeta+ ha heta astudiaantende hag̃ua koʼã mbaʼe.
7 ¿Ñanderrechasáma piko Jehová pára siémpre?+
¿Ñandeguerohory jeýne piko haʼe algún día?+
8 ¿Ohechauka jeýne piko ñandéve ñanderayhuha ha imbaʼeporãha ñanendive?*
¿Oĩne piko ohecháva oñekumplívo ipromesakuéra?
9 Ñandejára ningo nopenavéi ñanderehe, ¿hesarái mbaʼe piko ñandehegui?+
¿Ipochyeterei mbaʼe piko ajeve nombyasýi la oikóva ñanderehe? (Sélah)
10 ¿Che piko asegi vaʼerã haʼe: “Kóva ningo la chepyʼapýva:+
Ñandejára Ndaijojaháiva nañanepytyvõvéi”?
11 Péro koʼág̃a apensáta umi mbaʼe Jehová* ojapo vaʼekuére.
Ñandejára, che chemanduʼáta umi mbaʼe porãita rejapo vaʼekuére yma.
12 Ajepyʼamongetáta ne rembiapokuére,ha siémpre apensáta umi mbaʼe rejapóvare.+
13 Ñandejára, ndaipóri ótro Dios ndéicha ipoderósova,+opa mbaʼe rejapóva ningo iporãiterei.
14 Nde hína Ñandejára teete, nde ningo upe rejapóva entéro mbaʼe iporãva.+
Nde rehechauka enterovépe ndepoderosoha.+
15 Nde resalva nde puévlope nde podér* rupive.+
Nde resalva Jacob ha José familiarépe. (Sélah)
16 Ñandejára, pe y nderechávooñepyrũma oryryipa,+ha umi mar ipypukuvéva jepe okuchupa.
17 Pe ára katu iñypytũmba,oñepyrũma osunu ha oky,umi aratiri ojoasapa, haʼete umi flécha ojepoíva águio ha péguio.+
18 Osunu hatã hatã,+ haʼete umi kárro hyapúva hína oúvo,ha ko yvy oñepyrũ oryrýi ha okuʼepa.+
Umi aravera omohesakãmba ko yvy.+
19 Ñandejára, haʼete voi ku rehasáva pe mar mbytére,+reavri nde raperã pe ýre,péro avave ndaikatúi ojuhu nde rapykuere.
20 Nde puévlo ningo haʼete peteĩ ovecha aty, ha nde regia chupekuéra.+
Nde remoĩ Moisés ha Aarónpe oñatende hag̃ua hesekuéra.*+
Nóta
^ Hebréope: “aipyso che po”.
^ Térã: “Che álma”.
^ Hebréope: “Che espíritu”.
^ Hebréope: “Jah”. Péicha oñemombyky Jehová réra.
^ Hebréope: “jyva”.
^ Hebréope: “ipokuéra rupive”.
