Salmos 37:1-40
-
Umi ojeroviáva Jehováre osẽ porãta.
David purahéi.
א [Álef]
37 Ani rerrenega umi iñañáva káusare.
Ani reenvidia umi hembiapo vaívape.+
2 Umi kapiʼipe pyaʼe ipiruháicha, umi iñañáva pyaʼe oñehundíta.+
Ojogua hikuái umi plánta vérde asývape, upéi ensegidamínte hogue manombáva.
ב [Behth]
3 Ejerovia Jehováre ha ejapo iporãva.+
Eikove ko yvy ape ári, ha ani rembotavy avavépe.+
4 Evyʼa nde pyʼaite guive rejapóvo Jehová heʼíva,ha haʼe katuete omeʼẽta ndéve umi mbaʼe ne korasõ oipotáva.
ג [Guímel]
5 Eheja Jehová pópe opa mbaʼe redesidítava.+
Ejerovia hese ha haʼe katuete nepytyvõta.+
6 Haʼe rupive nde hustísia omimbíta peteĩ lus omimbiháicha,nde hustísia omimbíta pe kuarahy omimbiháicha asajepyte.
ד [Dáleth]
7 Ehaʼarõ kirirĩháme Jehová renondépe,+nepasiénsia ha ehaʼarõ la haʼe ojapótava.
Ani rerrenegaumi iñañáva osẽ haguére ijidéape.+
ה [He]
8 Embohasa ndejehegui pe pochy ha ani ndepyʼaro,+ani ndepochy haguére ndéma katu rejapo ivaíva.
9 Umi iñañáva oñehundíta,+péro Jehová omeʼẽta ko yvy umi ojeroviávape hese.+
ו [Waw]
10 Koʼẽrõitéma opáta umi hénte iñañáva,+remañáta oĩ haguépe hikuái,ha ni hendague ndopytamoʼãi.+
11 Péro umi hénte ivuénova opytáta ko yvy ape ári,+haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre.+
ז [Záyin]
12 Pe iñañáva okalkula mbaʼéichapa operhudikáta pe hembiapo porãvape,+omopururũ hãi ikóntrape.
13 Péro Jehová opukáta hese,pórke haʼe oikuaa og̃uahẽtaha pe día pe iñañáva omanotaha.+
ח [Jehth]
14 Umi iñañáva onohẽ ijespáda ha ipópe orekóma hiʼárko ha iflécha.
Haʼekuéra ojukase pe ohasa asy ha imboriahúvape,ohundise umi hembiapo porãvape.
15 Péro pe iñañáva árko ha flécha opẽmbaitéta.
Ha ipahápe ijespáda ovandeáta ikorasõ.+
ט [Tehth]
16 Mehorve nemboriahu ha siémpre rejapo iporãva,ke la ndepláta heta péro neñaña.+
17 Jehová oñangarekóta pe hembiapo porãvare,péro umi iñañávagui omopẽta ijyva.
י [Yohdh]
18 Jehová oikuaa porã mbaʼépa ohasa umi hénte inosénte,ha haʼe omeʼẽta chupekuéra peteĩ erénsia iporãitereíva núnka ndopamoʼãiva.+
19 Ijetuʼupaite jave, Ñandejára ndohejareimoʼãi chupekuéra.
Oĩ jave ñembyahýi haʼekuéra oreko rasapáta hoʼu vaʼerã.
כ [Kaf]
20 Péro umi iñañáva omanóta,+ pe kapiʼipe iporãvéva jepe pyaʼe oñehundipa,peichaite avei umi oñemoĩva Jehová kóntrape pyaʼe oñehundipáta.
Tatatĩcha opa reíta hikuái.
ל [Lámedh]
21 Pe iñañáva oipuru hapichágui oikotevẽva ha nomyengoviavéi chupe,péro pe ivuénova imbaʼeporã ha ipojera hapichándi.+
22 Ñandejára omeʼẽta ko yvy umi persóna haʼe ovendesívape,péro umi hénte haʼe omaldesíva oñehundíta.+
מ [Mem]
23 Jehová oguerohorýramo peteĩ persóna oiko lája,+ogia chupe tape porãre.+
24 Oñepysangáramo jepe ndoʼavaimoʼãi,+pórke Jehová oñakarama hese ipógui omopuʼã jey hag̃ua chupe.+
נ [Nun]
25 Che chemitã vaʼekue, ha koʼág̃a katu chetujáma,péro núnka ndahecháiva Ñandejára oheja reíramo peteĩ hembiapo porãvape,+ni ifamíliape oikórõ ojerure upérupi hoʼumi vaʼerã.+
26 Haʼe siémpre oipuruka hapichápe oikotevẽva,+ha ifamíliape ohaʼarõ hína heta mbaʼe porã.
ס [Sámekj]
27 Emboyke ivaíva ha ejapo iporãva,+ha reikovéta opa ára g̃uarã.
28 Jehová ningo ohayhu pe hustísia,upévare ndohejareimoʼãi umi iñeʼẽrendúvape chupe.+
ע [Áyin]
Haʼe siémpre oñangarekóta hesekuéra,+péro umi iñañáva desendientekuéra oñehundíta.+
29 Umi hembiapo porãvape oñemeʼẽta ko yvy,+ha oikóta pype opa ára g̃uarã.+
פ [Pe]
30 Pe persóna ihústova iporãvarente oñeʼẽ,+ha ijurúgui arandu memete la osẽva.
31 Ñandejára léi oĩ ikorasõme,+haʼe oho tape porãre, upévare noñepysangamoʼãi.+
צ [Tsadhéh]
32 Iñañáva opeska pe ivuénovareojuka hag̃ua chupe.
33 Péro Jehová ndohejamoʼãi ipuʼaka hese,+ha ojehusga vove pe hembiapo porãvape haʼe nokondenamoʼãi chupe.+
ק [Qohf]
34 Ejerovia Jehováre ha esegi ejapo haʼe heʼíva.
Péicha haʼe ndeguerohorýta ha omeʼẽta ndéve ko yvy reiko hag̃ua pype.
Ha oñehundi vove umi iñañáva,+ nde rehecháta.+
ר [Rehsch]
35 Amaña pe kuimbaʼe aña ha ipyʼahatãvare,haʼete oho porãitereíva chupe, ojogua voi peteĩ yvyramáta tuicha ha iporãitereívape.+
36 Péro upéi degolpete omano ha ni hendague ndopytái,+asegi aheka chupe, péro ndatopavéima hese.+
ש [Schin]
37 Emaña pe kuimbaʼe ivuénovare*
ha ejesareko pe hembiapo porãvare,+ha rehecháta haʼe oikotaha pyʼaguapýpe.+
38 Péro entéro umi hembiapo vaíva oñehundíta,umi hénte aña ndohopukumoʼãi.+
ת [Taw]
39 Jehová osalváta umi hembiapo porãvape,+ha ojere vaipaite jave chupekuéra, haʼe oñangarekóta hesekuéra.+
40 Jehová oipytyvõta ha osalváta umi hembiapo porãvape,+haʼekuéra oho ojeprotehe ipoguýpe,+upévare Ñandejára ndohejamoʼãi hoʼa umi iñañáva pópe.
Nóta
^ Térã: “osegívare iñeʼẽrendu”.
