Salmo 36:1-12
Para sa direktor nin musika. Salmo ni David na lingkod ni Jehova.
36 An paglapas nakikipag-ulay sa kauruirarumi kan puso nin sarong maraot;Mayo nin pagkatakot sa Diyos sa atubangan kan saiyang mga mata.+
2 Huli ta grabe an pambubuladas niya sa sadiri niyaKaya dai niya naririsa asin ikinakaungis an saiyang sala.+
3 An mga sinasabi kan nguso niya nakakadanyar asin mapandaya;Mayo siya nin pakasabot para gibuhon kun ano an marahay.
4 Nagpaplano siya nin nakakadanyar na mga pakana dawa nasa higdaan.
Nagtitindog siya sa bakong marahay na dalan;Dai niya tinatalikdan an karatan.
5 O Jehova, abot sagkod sa kalangitan an saimong maimbod na pagkamuot,+Sagkod sa mga panganuron an saimong kaimbudan.
6 An saimong katanusan siring sa kahanga-hangang kabukidan;*+An saimong mga ipinapautob na desisyon siring sa mahiwason asin hararom na katubigan.+
An tawo asin hayop iniingatan* mo, O Jehova.+
7 Mahalagang marhay an maimbod na pagkamuot mo, O Diyos!+
Sa lindong kan mga pakpak mo, nagpapaili an mga aki nin tawo.+
8 Pinapaniguan ninda an sadiri sa pag-inom kan pinakamarahay na mga bagay sa* saimong harong,+Asin pinapainom mo sinda sa sulugan kan saimong dakulang kaugmahan.+
9 An burabod nin buhay yaon sa saimo;+Nakakahiling kami nin liwanag paagi sa liwanag mo.+
10 Padagos mong ipahiling an saimong maimbod na pagkamuot sa mga nakakamidbid sa saimo,+Asin an saimong katanusan, sa mga matanos an puso.+
11 Dai mo pagtugutan an bitis kan mapalangkaw na tungtungan akoO an kamot kan mga maraot na palayason ako.
12 An mga paragibo nin maraot nagkaturumba;Pinabaragsak sinda asin dai na makabangon pa.+
Mga Nota
^ Sa literal, “garo mga bukid nin Diyos.”
^ O “iliniligtas.”
^ Sa literal, “kan katabaan kan.”
