Salmo 10:1-18
ל Lamed]
10 Taano, O Jehova, ta nakatindog ka lang sa harayo?
Taano ta nagtatago ka sa mga panahon nin kasakitan?+
2 An maraot may kapalangkawan na linalapag an daing kalaban-laban,+Alagad siya an madadakop kan ginibo niyang mga pakana.+
3 Huling ipinaghahambog kan maraot an makasadiri niyang mga pagmawot*+Asin inuumaw niya an saro na mahanab;*נ Nun]Dai niya iginagalang si Jehova.
4 Huli sa saiyang kapalangkawan, dai nagsisiyasat an maraot;An nasa isip niya sana: “Mayong Diyos.”+
5 An saiyang mga dalan padagos na nagigin mapanggana,+Pero an saimong mga ipinapautob na desisyon dai niya nasasabutan;+Tinutuya-tuya niya an* gabos niyang kalaban.
6 Sinasabi niya sa saiyang puso: “Dai ako nuarin man matatanyog;*Sa gabos na henerasyon,Mayo sa sako nuarin man nin maabot na kapahamakan.”+
פ Pe]
7 An saiyang nguso pano nin mga maldisyon, kaputikan, asin huma;+Sa irarom kan saiyang dila yaon an kariribukan asin danyos.+
8 Nag-aabang siya harani sa mga baryo tanganing mantambang;Hali sa saiyang pinagtataguan ginagadan niya an saro na daing sála.+
ע Ayin]
An saiyang mga mata naghahanap nin kahirak-hirak na mabibiktima.+
9 Nag-aabang siya sa saiyang pinagtataguan siring sa leon na nasa lungib* kaini.+
Naghahalat siya tanganing dakupon an daing kalaban-laban.
Dinadasmagan niya an daing kalaban-laban pag ini nasiod sa saiyang hikot.+
10 An biktima minalupaypay asin minatumba;An mga kahirak-hirak nahuhulog sa mga kuko* niya.
11 Sinasabi niya sa saiyang puso: “Nakalingaw an Diyos.+
Ipinaling niya an saiyang lalawgon parayo.
Dai siya nakakariparo.”+
ק Qoph]
12 Tumindog ka, O Jehova.+ O Diyos, iitaas mo tabi an saimong kamot.+
Dai mo paglingawan an mga daing kalaban-laban.+
13 Taano ta an maraot dai iginalang an Diyos?
Sinasabi niya sa saiyang puso: “Dai mo ako pápanimbagon.”
ר Resh]
14 Pero nahihiling mo mismo an kariribukan asin kamunduan.
Nagmamasid ka asin inaaksiyunan iyan.+
Sa saimo minadulok an kahirak-hirak na biktima;+Ika an paratabang sa aki na mayo nang ama.*+
ש Shin]
15 Barion mo an takyag kan tawong maraot asin tampalasan,+Tanganing pag hinanap mo an saiyang karatan,Dai mo na iyan manunumpungan.
16 Si Jehova an Hadi sagkod nuarin pa man.+
An mga nasyon nagkaparara sa daga.+
ת Taw]
17 Pero an pakiulay kan mga mahuyo saimong dadangugon, O Jehova.+
An puso ninda saimong paparigunon+ asin tatawan mo sinda nin lubos na atensiyon.+
18 Matao ka nin hustisya sa mga mayo nang ama asin sa mga inaapi,+
Tanganing dai na sinda nuarin man magigibong takuton kan tawong mortal sa daga.+
Mga Nota
^ O “an mawot kan saiyang kalag.”
^ O posibleng “Inuumaw kan saro na mahanab an sadiri niya.”
^ O “Naghahambog siya sa.”
^ O “masayasay; maripay-dipay.”
^ O “kapalungpungan.”
^ O “sa makusog na mga kuko.”
^ O “sa ilo.”
