Salmo 146:1-10
146 Umawon nindo si Jah!*+
Uumawon kan bilog kong pagkatawo* si Jehova.+
2 Uumawon ko si Jehova sa bilog kong buhay.
Makanta ako nin mga pag-umaw* sa sakuyang Diyos sagkod na ako nabubuhay.
3 Dai kamo magtiwala sa mga pamayo*Ni sa aki nin tawo, na dai makakapagligtas.+
4 Minaluwas an espiritu* niya, minabalik siya sa daga;+Sa mismong aldaw na iyan an saiyang pag-iisip napapara.+
5 Maugma an saro na an saiyang paratabang iyo an Diyos ni Jacob,+Na an paglaom yaon ki Jehova na saiyang Diyos,+
6 An Kaggibo kan langit asin daga,Kan dagat, asin kan gabos na yaon sa mga iyan,+An Saro na pirming nagdadanay na maimbod,+
7 An Saro na nagtatao nin hustisya sa mga dinaya,An Saro na nagtatao nin tinapay sa mga nagugutom.+
Pinapaluwas ni Jehova an mga nakapreso.*+
8 Iminumuklat ni Jehova an mga mata kan mga buta;+Itinitindog ni Jehova idtong mga nakaduko;+Namumutan ni Jehova an mga matanos.
9 Pinoprotektaran ni Jehova an mga dayuhan na residente;Sinususteniran niya an aking mayo nang ama asin an babaying balo,+Pero inuulang niya an mga plano* kan mga maraot.+
10 Si Jehova magigin Hadi sagkod lamang,+An saimong Diyos, O Sion, sa gabos na henerasyon.
Umawon nindo si Jah!*
Mga Nota
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
^ O “kan kalag ko.”
^ O “Magibo ako nin musika para.”
^ O “prinsipe; respetadong tawo.”
^ O “hinangos.”
^ Sa literal, “mga nakagapos.”
^ O “tinitiko niya an dalan.”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.