Isaias 11:1-16
11 Sarong sadit na sanga+ an matubo hali sa pungo ni Jesse,+Asin sarong supang+ hali sa mga gamot niya an mamumunga.
2 Asin an espiritu ni Jehova mapapasaiya,+An espiritu nin kadunungan+ asin nin pakasabot,An espiritu nin pagsadol asin nin kakusugan,+An espiritu nin kaaraman asin nin pagkaigwa nin takot ki Jehova.
3 Asin magigin maugma siya sa pagkaigwa nin takot ki Jehova.+
Dai siya maghuhusgar base sa nahihiling kan saiyang mga mata,Ni magsasagwi base sana sa nadadangog kan saiyang mga talinga.+
4 Huhusgaran niya nin patas* an mga hamak,Asin magsasagwi siya nin may katanusan alang-alang sa mga mahuyo sa daga.
Hahampakon niya an daga paagi kan sugkod na minaluwas sa nguso niya+Asin gagadanon niya an maraot paagi sa hinangos* kan mga ngabil niya.+
5 An katanusan an magigin paha sa habayan niya,Asin an kaimbudan an magigin paha sa piad niya.+
6 An lobo makikiiba kun minsan sa kordero,+Asin an leopardo maluko kaiba kan ugbon na kanding,Asin an ugbon na baka saka an leon* pati an pinatabang hayop mag-iiribanan;*+Asin sarong sadit na aki an manginginot sa sainda.
7 An baka asin an oso magkaibanan na masabsab,Asin an saindang mga ugbon iribang maluko.
An leon makakan nin dagami kapareho kan toro.+
8 An aking nagsususo magkakawat sa ibabaw kan istaran nin kobra,Asin an aking bagong butason sa pagsuso ibubugtak an kamot niya sa may labot kan lungib nin makamandag na halas.
9 Dai sinda mandadanyar+O mangraraot sa bilog kong banal na bukid,+Huling an daga mapapano nanggad kan kaaraman manungod ki JehovaKun paanong tinatakluban nin tubig an dagat.+
10 Sa aldaw na iyan, matindog an gamot ni Jesse+ bilang senyal* para sa mga banwaan.+
Sa saiya mahagad an mga nasyon nin paggiya,*+Asin an saiyang irukan* magigin mamuraway.
11 Sa aldaw na iyan, iaabot giraray ni Jehova an saiyang kamot, sa ikaduwang pagkakataon, tanganing an mga natatada kan saiyang banwaan na mga nawalat bawion niya sa Asiria,+ sa Ehipto,+ sa Patros,+ sa Cus,+ sa Elam,+ sa Sinar,* sa Hamat, asin sa mga isla sa dagat.+
12 Mapatindog siya nin senyal* para sa mga nasyon asin titipunon niya an nagkasuruway-suway na mga taga Israel,+ asin titipunon niya hali sa apat na kanto kan daga an nagkawararak na mga taga Juda.+
13 An pagkauri kan Efraim mawawara,+Asin idtong mga nauungis sa Juda lalaglagon.
An Efraim dai na mauuri sa Juda,Ni mauungis an Juda sa Efraim.+
14 Asin malayog sindang pabugsok sa kabakilidan* kan mga Filisteo sa bandang sulnupan;Magkaibanan nindang sasamsaman an mga tawo sa Sirangan.
Iuunat ninda an saindang kamot laban* sa Edom+ asin Moab,+Asin an mga Ammonita magigin sakop ninda.+
15 Babangaon* ni Jehova an golpo* kan dagat nin Ehipto+Asin iwawayway an saiyang kamot sa ibabaw kan Salog.*+
Paagi kan saiyang nakakapasong hinangos* hahampakon niya iyan sa pitong sulugan kaiyan,*Asin papabalyuhon niya an mga tawo sulot an saindang mga sandalyas.
16 Asin magkakaigwa nin sarong tinampo+ paluwas sa Asiria para sa mga nawalat na natatada kan banwaan niya,+Kun paanong nagkaigwa man kaidto para sa Israel kan aldaw na magluwas siya sa daga nin Ehipto.
Mga Nota
^ O “espiritu.”
^ O “may katanusan.”
^ O “an durudakula nang leon na may bunday.”
^ O posibleng “Asin an ugbon na baka saka an leon masabsab na magkaibanan.”
^ Sa literal, “pahingaluan.”
^ O “An mga nasyon mahanap sa saiya.”
^ O “senyal na poste.”
^ An buot sabihon, an Babilonia.
^ O “senyal na poste.”
^ Sa literal, “abaga.”
^ O “Papaabuton ninda an saindang kapangyarihan sagkod.”
^ O posibleng “Papamarahon.”
^ Sa literal, “dila.”
^ An buot sabihon, an Eufrates.
^ O “espiritu.”
^ O posibleng “na magin pitong sulugan.”
